កត្តាដែលជះឥទ្ធិពលយ៉ាងខ្លាំងដល់ការលូតលាស់របស់ផ្លែបឺរ

កាលពីសបា្តហ៌មុន admin បានណែនាំបងប្អូនអំពីចំណេះដឹងទូទៅខ្លះៗដែលបងប្អូនគួរយល់ដឹងដូចជា៖ អត្ថប្រយោជន៌ ប្រភេទពូជ របៀបដាំដុះ និងថែទាំរួមទាំងទីផ្សារសម្រាប់ដំណាំនេះផងដែរ។ admin ក៏ទទួលបានការសួរនាំបន្ថែមពីបងប្អូនប្រជាកសិករដែលដាំដំណាំនេះ។ ភាគច្រើនសំណួរអំពីរបៀបទទួលផលបានលឿនដូចនេះថ្ងៃនេះadminចង់មកពន្យល់អំពីប្រភេទពូជបន្ថែមនិងកត្តាដែលជះឥទ្ធិពលយ៉ាងខ្លាំងដល់ការលូតលាស់នៃផ្លែបឺរ។

ផ្លែបឺរត្រូវបានគេចែកចេញជាពីរប្រភេទគឺ A និង B ។ ពូជផ្លែបឺរប្រភេទ A រួមមានៈ Hass, Pinterton, Lamb Hass, Carmen Hass, Gwen, Reed, Mexicola, Stewart និង Holiday។ ពូជផ្លែបឺរប្រភេទ B រួមមាន៖ Fuerte, Bacon, Zutano និង Sir Prize។ មានរុក្ខជាតិផ្លែបឺរពិសេសមួយប្រភេទដែលជាការរួមរវាងប្រភេទ A និងប្រភេទ B វាមានឈ្មោះថា Wurtz ឬ “Little Cado” ជាប្រភេទពូជផ្លែបឺរតឿ។ ប្រភេទពូជផ្លែបឺរតឿនេះតូចតែរូបពិតមែនប៉ុន្តែវាបង្កើតបានទិន្នផលលឿនជាងពូជដទៃ។ ប្រភេទពូជនេះវាលូតលាស់ដល់កម្ពស់អតិបរមាប្រហែលតែ 10 ទៅ 15 ហ្វីត ចំណែកផ្លែបឺរផ្សេងទៀតអាចឡើងដល់កម្ពស់ 80 ហ្វីត។ មនុស្សមួយចំនួនចាត់ទុកផ្លែបឺរប្រភេទ B មិនល្អដូចប្រភេទ A ដោយសារតែសាច់របស់ពូជប្រភេទនេះពួកគេងាយនឹងជោរចេញទឹកឆាប់រលួយ ខណៈពេលដែលប្រភេទ A សម្បូរទៅដោយរសជាតិ ប្រេង និងខ្លាញ់ដែលមានជាតិល្មួតឆ្ងាញ់ ។

តាមពិតវាមានកត្តាពីរដែលជះឥទ្ធិពលយ៉ាងខ្លាំងដល់ការលូតលាស់នៃផ្លែបឺររបស់អ្នក វាក៏ជាចំលើយដែលថាហេតុអ្វីបានជាអ្នកមិនអាចប្រមូលផលផ្លែបឺរពីដើមផ្លែបឺររបស់អ្នកបានបន្ទាប់ពីរៀបចំផែនការរយៈពេល 6 ឆ្នាំ។

១. កត្តាពេលវេលា

ដើមផ្លែបឺរដែលដុះចេញពីរណ្តៅអាចចំណាយពេលពី ១០ ទៅ ១៥ ឆ្នាំដើម្បីបង្កើតផល។ ទោះជាយ៉ាងណាក៏ដោយ អ្នកអាចរំពឹងថានឹងប្រមូលផលផ្លែបឺរដែលដាំដុះនៅផ្ទះដំបូងរបស់អ្នកពីមែកធាងបណ្តុះកូនក្នុងរយៈពេលប៉ុន្មានឆ្នាំដំបូង អាស្រ័យទៅលើទំហំ ពូជ និងអាយុរបស់ដើមឈើដែលអ្នកទិញយកមកដាំ ដើមផ្លែបឺរភាគច្រើនផ្តល់ផ្លែនៅពេលពួកគេឈានដល់អាយុ3 ទៅ 4 ឆ្នាំ។

២. កត្តាគុណភាពនៃពូជផ្លែបឺរ

ពេលខ្លះផ្លែបឺរលូតលាស់មកមិនដូចគ្នាឬគុណភាពដូចគ្រាប់ពូជដែលយើងដាក់ដាំនោះទេ។តាមពិតទៅការផ្សាយពាណិជ្ជកម្មឬកូនឈើដែលបណ្តុះសម្រាប់លក់គឺមិនមែនចេញមកពីការដាំដោយគ្រាប់ពូជនោះទេ តែគេជំនួសដោយការដាំដោយគ្រាប់ពូជទៅជាការកាត់ផ្សាំឬស។នៅក្នុងដំណើរការការដាំដុះនេះគេជ្រើសរើសតែឬសដែលមានសុខភាពល្អ ធន់នឹងជំងឺដែលធាចធានាបានថាការដាំដុះដោយការកាត់ផ្សាំនេះគឺដុះលូតលាស់ដោយជោគជ័យ។

ដូច្នេះការដាំដំណាំនីមួយៗចាំបាច់ណាស់ក្នុងការដឹងពីប្រភព លក្ខណៈ និងដំណើរការនៃការលូតលាស់របស់វា។យើងគួរតែសិក្សាពីវាឱ្យបានច្បាស់ជាមុនសិនមុននឹងសម្រេចចិត្តថាគួរនឹងដាំដំណាំណាមួយ។