វិធីធ្វើស្ក្រាប់ងាយៗបែបធម្មជាតិ សម្រាប់ស្ប៉ាស្បែកអោយភ្លឺថ្លា

ស្បែកខ្លួនដែលមានសុខភាពល្អ គឺជាស្បែកដែលមានសំណើមគ្រប់គ្រាន់ រលោង ស ភ្លឺថ្លា។នៅពេលដែលស្បែកខ្លួនយើងស្អាតធ្វើអោយស្រីៗគ្នាយើងមានអារម្មណ៌ល្អ ស្រស់ស្អាត និងមានភាពជឿជាក់លើខ្លួនឯង។ដូចនេះ ថ្ងៃនេះនាងខ្ញុំ សូមណែនាំបងប្អូន ពីវិធីសាស្ដ្រធ្វើស្ក្រាប់ដោយខ្លួនឯងងាយៗតាមបែបធម្មជាតិ ចំណាយលុយតិច ដោយវត្ថុធាតុដើមទាំងអស់នោះយើងអាចរកបាននៅជុំវិញផ្ទះ ចំពោះគុណភាពវិញមិនចាញ់ ស្ក្រាប់ស្ប៉ាដទៃទៀតឡើយ។

គ្រឿង​ផ្សំ

• អំពិល​ទុំ​ ច្របាច់យកគ្រាប់ចេញអោយអស់ ចំនួន កន្លះ​គីឡូ
• អំបិល​ស៉្បា​ទឹក​ដោះ​គោ ១ កញ្ចប់
• កាហ្វេ​ម៉ដ្ឋ (មិន​ទាន់​ឆុង) ៥ ស្លាបព្រាបាយ
• ទឹក​ឃ្មុំ ២០ ស្លាប​ព្រាបាយ ឬ កន្លះកូនចានចង្កឹះ
• គ្រាប់​វីតាមីន E ចំនួន ៣០ ទៅ៥០ គ្រាប់ ឬ អាច​ជំនួស​ដោយ​ប្រេង​អូលីវក៏បាន

វិធី​ធ្វើ

• ចាក់​គ្រឿង​ផ្សំ​ទាំង​អស់​ចូល​គ្នា​​ក្នុង​កាធុន​ ឬ​ចាន​ធំ​មួយ
• ច្របល់​ចូល​គ្នា​ឲ្យ​សព្វ​រហូត​បាន​ជា​ល្បាយ​ដែល​មាន​សភាព​ខាប់​ល្មម
• ចាក់​ស្រ្កាប់​ដែល​លាយ​រួច ចូល​ក្នុង​ប្រអប់​ ឬ​ ដប​បិទ​ជិត​រួច​ជា​ការ​ស្រេច (ទុក​បាន​ច្រើនខែ​​)

វិធី​ប្រើ​

• ចាក់ទឹកផ្សើម និងសម្អាតដងខ្លួនអោយបានស្អាតជាមុន
• បន្ទាប់មក ចាក់​ស្ក្រាប់​ចេញ​ប្រមាណ​មួយ​កូន​ចាន រួច​អាច​បន្ថែម​គ្រឿង​ផ្សំ​ដូចជា យ៉ាអួ ក្រូចឆ្មារ ទឹក​ដោះ​គោ​ឆៅ ឬ ពង​ទា​ផ្នែក​ពណ៌ស តាម​ចំណង់​ចំណូល​ចិត្ត និង ប្រភេទ​ស្បែក​
• ដុស​ស្ក្រាប់​នៅ​លើ​ដង​ខ្លួនថ្នមៗ​ប្រមាណ​៥ នាទី រួច​​អប់​ចោល​លើ​ស្បែក​ប្រមាណ ១៥​-៣០ នាទី (កាន់​តែ​យូរ​ កាន់​តែ​ល្អ​) ដើម្បី​ឲ្យ​ជាតិ​ស្ក្រាប់​ជ្រាប​ចូល​ស្បែក​បាន​ល្អ
• ក្រោយ​អប់​ទុកលាង​ទឹក​ចេញ​ឲ្យ​បាន​ស្អាត​ជា​ការ​ស្រេច។
•  អាចស្ក្រាប់បាន ១ ទៅ ២ ដង ក្នុងមួយសប្ដាហ៍ នៅពេលស្ក្រាប់រួចស្លៀកពាក់ខោអាវវែងៗ ដើម្បីការពារស្បែកពីពន្លឺព្រះអាទិត្យ។

លាបឡេ ឬគ្រីមផ្តល់សំណើម

ក្រោយពេលខាត់ស្បែករួច យើងត្រូវលាបឡេ ឬគ្រីមផ្តល់សំណើមដល់ស្បែក​ដើម្បីការពារ​ស្បែក​ពី​ការស្ងួតដោយសារត្រូវខ្យល់ ឬកកិតជាមួយសម្លៀកបំពាក់ ព្រោះបន្ទាប់ពីខាត់ស្បែករួច ស្បែកដែល​ងាប់ៗត្រូវបានជម្រុះចេញ នៅសល់តែកោសិកាស្បែកថ្មីដែលមានសភាពទន់ខ្យោយ។

ចៀសវាងខាត់ស្បែកចុងសុដន់

ពេលខាត់ស្បែក យើងគួរចៀសវាងខាត់ស្បែកចុងសុដន់ ព្រោះស្បែកចុងសុដន់មានសភាពស្តើងខ្លាំង និងងាយប្រតិកម្មដែលអាចបណ្តាលឱ្យដាច់រហែក រលាក ក្រហាយ ឬហូរឈាម។

ចៀសវាងខាត់ស្បែកកន្លែងសម្ងាត់

ការខាត់ស្បែកទ្វារមាសអាចធ្វើឱ្យបាត់បង់បាក់តេរីល្អៗនៅក្នុងទ្វារមាស និងបណ្តាលឱ្យកម្រិត pH ប្រែប្រួលដែលអាចបណ្តាលឱ្យយើងឆ្លងមេរោគផ្សិតនៅទ្វារមាស។

ប្រភព ៖

១. https://www.youtube.com/watch?v=MRiwPshif_U

២. https://hellokrupet.com/