វិធីដាំដុះរំដេងងាយៗ ឆាប់បានផល

លក្ខណ:ទូទៅ

រំដេង ជាគ្រឿងទេសដែលប្រជាជនខ្មែរយើងនិយមប្រើប្រាស់ ទាំងការទទួលទាន ឬជារុក្ខជាតិប្រទាលមួយប្រភេទ មើមមានក្លិនឆួល ដែលគេស្គាល់ជាទូទៅ គេយកវាមកប្រើជាគ្រឿងក្នុងម្ហូបអាហារ ក្រៅពីប្រើដើម្បីកាត់ក្លិនឆ្អាប និងបង្កើនរសជាតិក្នុងម្ហូប រុក្ខជាតិនេះ នៅមានប្រយោជន៍ក្នុងការប្រើជាឱសថផងដែរ។ ។ បងប្អូនគួរដាំដុះរំដេង ឲ្យមានតាមផ្ទះ ឬចំការដើម្បីប្រើប្រាស់ជាប្រយោជន៍​បានច្រើនមុខ​ និងរកប្រាក់ចំណូលបន្ថែមពីដំណាំនេះផង។ រំដេង ងាយដាំដុះណាស់ គេគ្រាន់តែយក(មើម ឫដើមដែលភ្ជាប់ជាមួយភ្នែករបស់វា)ទៅកប់ដីចោលក្នុងជំរៅរាក់ល្មម ដោយពុំចាំបាច់ថែទាំហត់នឿយអ្វីឡើយ ទោះបីក្នុងម្លប់មិនត្រូវថ្ងៃសោះ ក៏រុក្ខជាតិនេះអាចដុះលូតលាស់បានដែរ នៅរដូវវស្សាពេលដែលភ្លៀងធ្លាក់ជោគជាំ រំដេងចាប់ផ្តើមដុះបែកគុម្ពច្រើនសន្ធឹកសន្ធាប់ពាសវាល ។ 

ការជ្រើសរើសទីតាំងដាំ

• ដីល្អ ស្រាល មានការបង្ហូរទឹកល្អ (ដីលាយខ្សាច់)
• មានពន្លឺថ្ងៃ 50–70% (អាចដាំក្រោមដើមឈើក៏បាន)
• ជៀសវាងដីជ្រាបទឹក

ជ្រើសរើសពូជ

• ប្រើ ដើមរំដេង (rhizome) ដែលមានសុខភាពល្អ
• មានភ្នែក 2–3
• មិនរលួយ មិនមានជំងឺ

ការរៀបចំដី 

• ភ្ជូររាស់ដី ហាលដី២-៣ថ្ងៃ
• សម្អាតស្មៅ
• បើដីលិចទឹក ត្រូវលើកជារងដើម្បីកុំឲ្យជាំទឹក
• បើដីរាបស្មើ ដីជំរាលភ្នំ គ្រាន់តែភ្ជួរ មិនបាច់ហាលដីក៏បាន
• ត្រូវធ្វើការភ្ជួរ រាស់ដីឲ្យបាន ១ទៅ២ដង ភ្ជួររាស់ដី ដោយគោយន្ត ឬត្រាក់ទ័រ
• សំលាប់ស្មៅ និងធ្វើឲ្យដីម៉ដ្ឋល្អ
• កាប់រណ្តៅ ចន្លោះគុម្ព១ម និងចន្លោះរង១ម ដូចគ្នា ប្រវែងរង អាចធ្វើទៅតាមសណ្ឋានភាពដី វែង ឫខ្លី
• បាតរណ្តៅដាក់ជីលាមកគោ

ការដាំដុះ

• ដាំដុះគួរធ្វើនៅដើមរដូវវស្សា ពីខែមេសា រឺឧសភា ពេលមានភ្លៀងធ្លាក់អាចដាំបាន
• ដាំដោយមើមតែម្តងក៍បាន ឬដាំដោយបណ្តុះកូនក៏បាន
• បើដាំកូនបណ្តុះ មុនដំបូងយកពូជរំដេង ដែលបានត្រៀមទុក ទៅបណ្តុះ ឲ្យបានប្រវែង១តឹក
• យករំដេងដែលបណ្តុះបានកំពស់១តឹក មកដាក់ដាំក្នុងរណ្តៅដែលបានត្រៀម
• ឬយកគល់រំដេងចាស់ៗ មកដាំដោយក្នុង១គុម្ព ដាំ២ទៅ៣ដើម

ការថែទាំ

• មិនពិបាកថែទាំទេ ពេលនៅតូច បើរាំងស្ងួតខ្លាំង គ្រាន់តែស្រោចទឹក ១-២ដង
• បន្ទាប់ពីដាំដុះបាន១ខែ ត្រូវធ្វើការសម្អាតស្មៅតាមចន្លោះគុម្ព
• ដាក់ជីបំប៉ន ២ទៅ៣ដង រហូតដល់ពេលប្រមូលផល
• ត្រូវធ្វើការស្រោច ទឹកបើមិនមានភ្លៀងធ្លាក់ច្រើនថ្ងៃ

ការប្រមូលផល

រំដេងបន្ទាប់ពីដាំដុះបាន ៩ទៅ១២ខែ អាចធ្វើការប្រមូលផលបានហើយ ដោយធ្វើការគាស់ចេញពីដី ជីកយកតែដើមធំ ទុកដើមក្មេងបន្តលូតលាស់ រួចយកទៅសម្អាត លាងទឹកឱ្យស្អាត និងទុកឲ្យស្ងួត រួចយើងច្រកថង់ដើម្បី យកទៅលក់នៅលើទីផ្សា

ប្រភព ៖

១.https://farmerdna.com/