វិធីសម្លាប់ស្មៅចង្រៃដោយប្រើទឹកខ្មេះ

ស្មៅចង្រៃគឺពិតជាផ្តល់ការរំខានខ្លាំងមែនទែនដល់ការដាំដំណាំ ឬក៏ដំណាំដែលកំពុងលូតលាស់ តោះសាកមកប្រើទឹកខ្មេះដើម្បីសម្លាប់ស្មៅចង្រៃ។

គ្រឿងផ្សំ

– ទឹកស្អាត ១លីត្រ

– ទឹកខ្មេះ ១០០មីលីលីត្រ

– អំបិលមួយស្លាបព្រាកាហ្វេ 

– សាប៊ូលាងចានបីបួន​ដំណក់

វិធីធ្វើ

​លាយ​គ្រឿង​ផ្សំទាំងនេះ​ក្នុង​ប៊ីដុង​ ឬធុង រួច​ក្រឡុក​ទាល់តែរលាយ​ចូល​គ្នាជាល្បាយ​សាច់​តែមួយ​ រួច​ចាក់​ទឹក​ល្បាយ​នេះ​ចូល​ក្នុង​ធុង​បាញ់​ថ្នាំ ឬដបបាញ់ថ្នាំ​ ដើម្បី​ងាយ​ស្រួល​បាញ់​លើ​រុក្ខជាតិ ឬស្មៅចង្រៃ​ដែល​យើង​មិន​ចង់​ឲ្យ​មាន​ក្នុង​សួនដំណាំ​។

វិធីប្រើ

​បាញ់​ផ្ទាល់​លើ​ស្មៅ ឬ​រុក្ខជាតិ​ដែល​យើង​មិន​ចង់ទុក ហើយ​គួរ​បាញ់ពេល​មាន​ពន្លឺថ្ងៃដើម្បី​ជំរុញ​ឲ្យ​ស្មៅ ឬរុក្ខជាតិ​ទាំង​នោះ​ឆាប់​ងាប់​។

​ទឹកខ្មេះមាន​ផ្ទុក​អាស៊ីតអាសេទិក ដែល​អាច​ធ្វើ​ឲ្យ​កោសិការុក្ខជាតិ​ស្ងួត និង​ងាប់។ ពេល​បាញ់​ចំ​ស្លឹក និង​ដើម ជាលិកា​របស់​ស្មៅ ឬ​រុក្ខជាតិ​នឹង​រង​ការ​ខូច​ខាត និងក្រោយ​មក​ក៏​​បណ្ដាល​ឲ្យ​ងាប់​។ ពេល​លាយ​ទឹកខ្មេះជាមួយ​សាប៊ូលាងចាន និង​អំបិល​ ប្រសិទ្ធភាព​កាន់តែខ្ពស់។​

ឯកសារយោង

YouTube