ដង្កូវគឺជាសត្វដែលមានចលនាដោយលូនហើយមានវដ្តជីវិតរួមមាន មេអំបៅអាយុកាលចន្លោះពី 10ទៅ 21ថ្ងៃ។វាមានដំណាក់កាលពងរយៈពេល 2ទៅ 3ថ្ងៃទើបញាស់ ហើយដំណាក់កាលដង្កូវចន្លោះពី 14ទៅ 22ថ្ងៃ។បន្ទាប់មកដំណាក់កាលដឹកដឿរយៈពេល 8ទៅ 30ថ្ងៃ ក្រោយពីដំណាក់កាលដឹកដឿវាក៏វិវដ្តទៅជាមេអំបៅម្ដងទៀត។
ដង្កូវក៏មានលក្ខណៈពិសេសមួយចំនួនដូចជា វាញាស់ចេញពីពង ដង្កូវខ្លះមានពណ៌ត្នោតឬបៃតង ភ្លឺថ្លា និងស្រអាប់។ ម្យ៉ាងទៀតដង្កូវបំផ្លាញដំណាំដោយសុីស្លឹក និងផ្លែជាអាហារ។ ខាងក្រោមនេះគឺជាប្រភេទថ្នាំសំខាន់ៗក្នុងការកំចាត់ដង្កូវគ្រប់ប្រភេទដែលយើងអាចសម្គាល់បានតាមរយៈធាតុសកម្មរបស់វា៖
ធាតុសកម្មឈ្នោះ Fipronil
ក.លក្ខណៈនៃថ្នាំ
- ទម្រង់ជាវត្ថុរឹង គ្មានពណ៌
- រលាយតិចតួចក្នុងទឹក តែរលាយក្នុងAceton
- ថ្នាំធន់នឹងសីតុណ្ហភាពខ្ពស់
- ជាប្រភេទថ្នាំពុលខ្លាំងដែលស្ថិតក្នុងក្រុមមួយនៃថ្នាំពុលកសិកម្ម
- រយៈពេលសុវត្ថភាពក្រោយប្រើប្រាស់ថ្នាំលើដំណាំគឺ14ថ្ងៃ
- បំពុលសត្វដង្កូវតាមរយៈការប៉ះពាល់ ការលេបចូល
ខ.ការប្រើប្រាស់
- ថ្នាំកំចាត់លើដង្កូវសុីរូងដើម ដង្កូវសុីរូងស្លឹក និងពពួកដង្កូវចោះបឺត ដែលជាញឹកញ៉ាប់វាបំផ្លាញទៅលើស្រូវ បន្លែ អំពៅ ដំណាំហូបផ្លែ និងប្រភេទដំណាំមួយចំនួនទៀត
- ថ្នាំមានប្រសិទ្ធិភាពបានយូររហូតដល់30ថ្ងៃ។
គ.លទ្ធភាពនៃការលាយចម្រុះ
ថ្នាំប្រភេទនេះអាចលាយជាមួយប្រភេទថ្នាំសម្លាប់សត្វល្អិតដទៃទៀត និងប្រភេទថ្នាំជំងឺផ្សេងៗ។
ថ្នាំមានធាតុសកម្មឈ្មោះEmamectin benzoate
ក.លក្ខណៈនៃថ្នាំ
- មានទម្រង់ម្សៅរឹង
- រលាយតិចក្នុងទឹក
- រយៈពេលសុវត្ថភាពក្រោយពេលប្រើថ្នាំចន្លោះ5ទៅ7ថ្ងៃ
- ថ្នាំស្ថិតក្នុងក្រុមពុលទី2នៃថ្នាំពុលកសិកម្ម
- វាបំពុលសត្វល្អិតតាមរយៈការប៉ះពាល់ដោយផ្ទាល់ និងការលេបចូល(នៅពេលបាញ់លើស្លឹកឬផ្លែដង្កូវសុីហើយលេបចូល)
ខ.ការប្រើប្រាស់
- ថ្នាំកំចាត់ពពួកដង្កូវដែលមានទម្រង់មាត់ខាំទំពារ ដង្កូវចោះផ្លែ ដង្កូវចោះបឺត
- គេនិយមប្រើក្នុងការកំចាត់ដង្កូវមូរស្លឹក ដង្កូវសុីរូងដើម ដង្កូវបំពង់កាត់ស្លឹក ដង្កូវយោលទោង ដង្កូវសុីបណ្ដូល ដង្កូវចោះផ្លែលើដំណាំសណ្ដែកសៀង ដង្កូវផែនទី ដង្កូវចោះដើមស្វាយចន្ទី
- គេអាចបាញ់ថ្នាំនៅពេលឃើញវត្តមានដង្កូវកើតឡើងលើកដំបូង(ពេលដង្កូវនៅតូច)។ រីឯដង្កូវមូរស្លឹក គេត្រូវបាញ់ថ្នាំក្រោយឃើញវតហតមាននៃមេអំបៅចន្លោះពី5ទៅ7ថ្ងៃ។
ថ្នាំមានធាតុសកម្ម Cypermethrin
ក.លក្ខណៈនៃថ្នាំ
- ទម្រង់ខាប់ ប៉ាក់ៗ
- មិនរលាយក្នុងទឹកតែរលាយក្នុង Organic Solvent
- ក្រុមពុលនៃថ្នាំគឺក្រុម2នៃថ្នាំពុលកសិកម្ម
- រយៈពេលសុវត្ថភាពក្រោយប្រើគឺ7ថ្ងៃ ចំពោះបន្លែហូបស្លឹករយៈពេល 3ថ្ងៃ និងចំពោះស្ពៃក្ដោបរយៈពេល 14ថ្ងៃ
- ពុលខ្លាំងចំពោះត្រី និងឃ្មុំ
- បំពុលសត្វល្អិតតាមការប៉ះពាល់ ការលេបចូល
ខ.ការប្រើប្រាស់
ថ្នាំប្រភេទនេះអាចកំចាត់ទៅលើពពួកដង្កូវសុីស្លឹក ដង្កូវយោលទោង ដង្កូវបៃតង ដង្កូវចោះផ្លែ
គ.លទ្ធភាពនៃការលាយចម្រុះថ្នាំដទៃ
នៅលើទីផ្សារមានប្រភេទថ្នាំលាយចម្រុះស្រាប់ដូចជា៖
- Chlorpyriphos
- Dimethoate
- Endosulfan
- Naled
- Profenofose
- Isoprocard
- គេក៏អាចលាយចម្រុះជាមួយថ្នាំសម្លាប់សត្វល្អិតដទៃទៀត និងថ្នាំជំងឺផងដែរ។
#ចំណាំ៖ មុនពេលប្រើប្រាស់ថ្នាំកសិកម្មយើងតហរូវមើលលើធាតុសកម្មជាមុនសិនមិនមែនមើលលើឈ្មោះក្រុមហ៊ុនឬឈ្មោះពាណិជ្ជកម្មណាមួយឡើង។
ឯកសារយោង
http://អត្ថបទដកស្រង់ចេញពីសៀវភៅ សាស្ត្រាចារ្យ បណ្ឌិត ជាងហុង ឆ្នាំ2013
