ថ្នាំកសិកម្មធម្មជាតិ គឺជាការផ្សំសមាសធាតុ ទាំងឡាយណាដែលមានប្រភពមកពីធម្មជាតិ ហើយអាចបណ្ដេញ ឬ កម្ចាត់កត្ដាចង្រៃ រួមទាំងសត្វល្អិត និងជំងឺជាពិសេសនោះមិនប៉ះពាល់ដល់បរិស្ថាន។

រុក្ខជាតិដែលអាចយកមកផ្សំជាថ្នាំកសិកម្មធម្មជាតិ

• ក្ដួច គ្រាប់ស្លែង ឬ ផ្លែស្លាក់ ចំនួន៦គីឡូក្រាម
• សំបកកន្ទួត ចំនួន១០គីឡូក្រាម
• ថ្នាំជក់ ចំនួន២គីឡូក្រាម
• ទន្រ្ទាងខេត្រ ចំនួន៦គីឡូក្រាម
• សំបកទៀបបាយ ចំនួន៤គីឡូក្រាម
• វល្លិ៍មាស ឬ ផ្កាស្បៃរឿង ចំនួន៤គីឡូក្រាម
• សំបកស្ដៅ ចំនួន១០គីឡូក្រាម
• បណ្ដូលពេជ្យ ចំនួន៦គីឡូក្រាម
• ម្ទេស ចំនួណ២គីឡូក្រាម

វិធីផ្សំ

• ចិញ្រ្ចាំរុក្ខជាតិទាំងអស់អោយម៉ដ្ឋ
• ដាក់វាទៅក្នុងពាងដែលមានចំណុះទឹក ២០០លីត្រ
• ចាក់បន្ថែមទឹកនោម ៣០-៥០លីត្រហើយកូល្បាយនោះអោយសព្វសាច់ល្អ បន្ទាប់មកគ្របពាងអោយជិត
• ធ្វើការកូល្បាយ១ថ្ងៃម្ដង រៀងរាលថ្ងៃ ម្ដងៗរយៈពេល៥នាទី
• ផ្អាប់វាទុកក្នុងម្លប់រយៈពេលពី ១៥-២០ថ្ងៃទើបមានប្រសិទ្ធភាពល្អ

វិធីប្រើប្រាស់

• លាយល្បាយចម្រុះថ្នាំកសិកម្មធម្មជាតិ ១លីត្រជាមួយទឹក១៥លីត្រ សមាមាត្រថ្នាំកសិកម្មធម្មជាតិផ្អែកទៅលើស្ថានភាពជាក់ស្ដែងរបស់សត្វល្អិតចង្រៃដែលមាននៅក្នុងស្រែ។បន្ថែមសាប៊ូម្សៅ១កូនស្លាបព្រាកាហ្វេ រួចកូអោយសព្វដើម្បីបង្កើនប្រសិទ្ធភាពថ្នាំ
• បាញ់ថ្នាំនេះចំនួន២ឬ៣ដង ក្នុងមួយសប្ដាហ៍ហើយការបាញ់គប្បីធ្វើឡើងនៅពេលថ្ងៃលិច

✷ ត្រូវអនុវត្តយ៉ាងប្រុងប្រយ័ត្ន នៅពេលបាញ់ថ្នាំ ដូចជាត្រូវពាក់ខោ អាវដៃវែង ស្រោមដៃ ម៉ាស់ការពារមុខ ពាក់មួក វ៉ែនតា ស្បែកជើងកវែង។

ឯកសារយោង

• ដកស្រង់ចេញពី (សៀវភៅវិធានការ ការពារនិងកម្ចាត់មមាចតោ្នត)ឆ្នាំ ២០១៩ ដែលរៀបរាងដោយ នាយកដ្ឋានផ្សព្វផ្សាយកសិកម្ម រុក្ខាប្រមាញ់ និងនេសាទ សហការជាមួយនាយកដ្ឋានការពារដំណាំនិងភូតគាមអនាម័យនៃអគ្គនាយកដ្ឋានកសិកម្ម