ការការពារជំងឺលើរុក្ខជាតិតាមរយៈជីវសាស្ត្រ

ការគ្រប់គ្រងដំណាំតាមរយៈវិធានការជីវៈសាស្ត្រ(Biology icides)គឺជាការប្រើប្រាស់ក្នុងមុខងារព្យាបាល និងការពារជំងឺ។ ម្យ៉ាងទៀតការគ្រប់គ្រងតាមបែបជីវសាស្ត្រវាបានជួយជំរុញការលូតលាស់របស់រុក្ខជាតិ។ មួយវិញទៀតនៅពេលបាញ់ពពួកផ្សិតឬបាក់តេរីជីវសាស្ត្រលើស្លឹករុក្ខជាតិវាក៏បានជួយទៅដល់ស្លឹកក្នុងការធ្វើរស្មីសំយោគដោយទាញយកអាសូតពីបរិយាកាសទៅឲ្យឫស និងជួយទៅដល់ដំណក់ដង្ហើមរុក្ខជាតិ។

លក្ខណៈពិសេសនៃពពួកជីវៈសាស្ត្រ

• វាមិនប្រកួតប្រជែងសារធាតុចិញ្ចឹមឬទឹកពីរុក្ខជាតិឡើយ
• ជាសត្រូវនៃផ្សិតឬបាក់តេរីចង្រៃដោយវាបានដណ្ដើមអាហារពីពពួកផ្សិត និងបាក់តេរីនេះ។
• ស្រូបយកសារធាតុចិញ្ចឹមពីបរិយាកាសទៅផ្គត់ផ្គងឫស
• ជួយកំចាត់ផ្សិត និងបាក់តេរីចង្រៃក្នុងដំណាំ

គុណវិបត្តិ

• មិនអាចរស់នៅទីតាំងដែលសម្បូរពន្លឺ
• ពួកវាស្អប់ក្លិនអាម៉ូញ៉ាក់(NH₃)
• ត្រូវការទីតាំងដែលមានសារធាតុចិញ្ចឹមគ្រប់គ្រាន់
• អាយុកាលខ្លី
• ប្រើប្រាស់ពេលវេលាយូរក្នុងការព្យាបាលរុក្ខជាតិ

ផ្សិតជីវសាស្ត្រ

• Trichoderma harzianum៖ ជាប្រភេទផ្សិតរស់នៅក្នុងខ្យល់ ហើយស្រូបយកសារធាតុចិញ្ចឹមពីបរិយាកាស។ គេប្រើវាដើម្បីកំចាត់ផ្សិតលើដីឬប្រភេទផ្សិតចង្រៃក្នុងបរិយាកាសដែលបង្កជំងឺដល់រុក្ខជាតិ។(វាមានប្រសិទ្ធភាពខ្លាំងនៅលើដី)
• Trichoderma koningii៖ ជាផ្សិតជីវសាស្ត្រដែលរស់នៅក្នុងខ្យល់ ហើយទទួលសារធាតុចិញ្ចឹមពីបរិយាកាស។ គេប្រើវាដើម្បីគ្រប់គ្រងផ្សិតក្នុងបរិយាកាស។
• Trichoderma viride៖ ផ្សិតនេះជាផ្សិតដែលរស់នៅក្នុងដី ដោយមានតួនាទីស្រូបយកអាសូតពីបរិយាកាសរួចបញ្ជូនបន្តទៅកាន់ឫសរុក្ខជាតិ ហើយវាមានសមត្ថភាពខ្លាំងនៅក្នុងដី។
• Trichoderma aspergillus៖ រស់នៅក្នុងគ្រាប់ពូជ និងក្នុងខ្យល់ រីឯចំណីបានមកពីខ្យល់ឬបរិយាកាស។ វាខ្លាំងនៅក្នុងបរិយាកាសជាពិសេសលើគ្រប់គ្រងលើផ្សិតចង្រៃដែលមកពីបរិយាកាសដូចគ្នា។
• Mycorrhizal ectomycorrhiza៖ ជាផ្សិតដែលរស់នៅក្នុងឫស និងក្នុងដី ហើយមានតួនាទីចម្បងក្នុងការជួយជំរុញលើការលូតលាស់នៃដំណាំ រីឯការគ្រប់គ្រងជំងឺមានលក្ខណៈខ្សោយជាង។

បាក់តេរីជីវសាស្ត្រ

• Bacillus subtills៖ ជាបាក់តេរីរស់នៅក្នុងដីប្រើសម្រាប់ការធ្វើចំណីអាហារ និងគ្រប់គ្រងផ្សិតឬបាក់តេរីដី។
• Rhizobium leguminosarum៖ រស់នៅក្នុងឫសនៃរុក្ខជាតិមានតួនាទីជួយទៅដល់ការលូតលាស់នៃដំណាំតាមរយៈការស្រូបអាសូតពីបរិយាកាសទៅឲ្យឫសនៃរុក្ខជាតិ។
• Pseudomonas fluorescens៖ ជាបាក់តេរីដែលរស់នៅក្នុងក្នុងទឹក និងដី ហើយវាមានប្រសិទ្ធិភាពខ្ពស់នៅក្នុងទឹកឬដីដូចគ្នា។

#ចំណាំ៖ គេអាចប្រើប្រាស់ផ្សិត និងបាក់តេរីក្នុងការគ្រប់គ្រងជំងឺផ្សិតឬបាក់តេរីបានដូចគ្នា។ ម្យ៉ាងទៀតគេអាចប្រើផ្សិតឬបាក់តេរីដើម្បីធ្វើជាជីកំប៉ុស្តិ៍ដោយប្រើវាមួយគីឡូក្រាមសម្រាប់កំប៉ុស្តិ៍មួយតោន។