បច្ចេកទេសដាំដុះដំណាំកាកាវ

កាកាវគឺជាដំណាំមួយប្រភេទដែលមានតម្រូវការខ្លាំងនៅក្នុងពិភពលោកព្រោះវាជារុក្ខជាតិដែលគេអាចយកគ្រាប់ដើម្បីកែច្នៃទៅជាសូកូឡា ភេជ្ជៈ និងអាហារផ្សេងៗទៀត។ នៅក្នុងប្រទេសកម្ពុជាយើងមានខេត្តមួយចំនួននៅខាងតំបន់ភូមិភាគឦសាន្តបានដាំដុះនូវដំណាំមួយប្រភេទនេះ និងបាននាំចេញទៅក្រៅប្រទេសផងដែរ។ ខាងក្រោមនេះគឺជាបច្ចេកទេសមួយចំនួនក្នុងការដាំដុះនូវដំណាំកាកាវ និងប្រភេទផលិតផលដែលបានកែច្នៃចេញពីកាកាវ។

លក្ខខណ្ឌអាកាសធាតុ និងបរិស្ថាន

• សីតុណ្ហភាពចន្លោះ ២៥ ^oC
• សំណើមដែលកាកាវត្រូវការជាមធ្យម ៨៥%
• ទឹកភ្លៀងប្រចាំឆ្នាំចាប់ពី ១៥០០mm/ឆ្នាំ
• ជារុក្ខជាតិត្រូវការម្លប់ចន្លោះពន្លឺ៥០-៦០% និងខ្យល់តិច ដែលគេអាចដាំដុះនៅក្រោមដើមឈើធំៗបាន
• ដី៖ វាសាកសមសម្រាប់ដីជាច្រើនប្រភេទ ហើយអាចលូតលាស់ល្អនៅកម្រិត pHពី ៥.៥ ទៅ ៥.៨

លក្ខណៈទូទៅនៃដំណាំ

កាកាវជារុក្ខជាតិដែលស្ថិតនៅក្នុងគ្រួសារ Malvaceae និងមានឈ្មោះវិទ្យាសាស្ត្រ Theobroma cacao។ វាអាចផ្តល់ផលរយៈពេល ១២-១៤ខែក្រោយដាំ និងចាប់ផ្ដើមប្រមូលផលនៅអាយុ ១៨ខែ ព្រមទាំងមានអាយុកាល ៣០ឆ្នាំ។ កាកាវអាចផ្តល់ផល ៣ទៅ៤តោនក្នុងមួយហិកតា និងឲ្យផលខ្ពស់បំផុតចាប់ផ្តើមពីឆ្នាំទី ៥ឡើង។

ការរៀបចំដី និងបច្ចេកទេសដាំ

គេអាចរៀបចំដីសម្រាប់ដាំកាកាវដោយបែងចែកចន្លោះគុម្ពប្រវែង ៣x៣mសម្រាប់ដីដែលមានជីវជាតិល្អ រីឯដីមិនសូវមានជីវជាតិគេអាចដាក់ដង់សុីតេចន្លោះ ៣x២.៥m។ ដោយជីករណ្ដៅក្នុងទំហំ ៥០x៥០x៥០cm ពេលជីករណ្ដៅត្រូវទុកដីស្រទាប់លើ និងហាលដីចោលរយៈពេល ២សប្ដាហ៍មុនដាំ។ មុនពេលដាំ ២ទៅ៣ថ្ងៃ គេអាចដាក់ជីទ្រាប់បាតនៅក្នុងរណ្ដៅចោល រួមមានជីលាមកសត្វឬជីកំប៉ុស្តិ៍ចន្លោះ ១០-១៥kgក្នុងមួយរណ្ដៅ។ រួចដាក់ជីផូស្វ័រ ០.៥kg និងបាចម្សៅកំបោរប្រសិនបើដីជាដីអាល់កាឡាំង។ នៅរយៈពេល ១៥ថ្ងៃក្រោយហាលដីគេត្រូវយកកូនទៅដាំដោយយកកាំបិតមុតស្រួចក្នុងការកាត់ថង់បណ្ដុះ ដែលកាត់ខាងបាតមុនដើម្បីកុំឲ្យវាបែកដីកំណើត។ បន្ទាប់មកដាក់កូនចូលរណ្ដៅយកដីស្រទាប់លើលុបរណ្ដៅឲ្យពេញ ដោយមិនត្រូវឲ្យរណ្ដៅអាចនៅសល់ទឹកដក់ឡើយព្រោះកាកាវជារុក្ខជាតិដែលមិនធន់ទ្រាំនឹងដីលិចឬជាំទឹកយូរឡើយ។

បច្ចេកទេសដាក់ជី

សត្វល្អិត និងជំងឺ

• Helopeltis spp៖ វាបំផ្លាញដោយសុីត្រួយខ្ចី ឬពន្លកត្រួយ បណ្ដាលឲ្យស្លឹកខ្ចីកើតនូវចំណុចខ្មៅអុជៗ នៅពេលធ្ងន់ធ្វរត្រួយនឹងងាប់។ នៅពេលវាបំផ្លាញទៅលើផ្លែខ្ចី វាធ្វើឲ្យផ្លែកើតនូវចំណុចអុជបន្ទាប់មកក្រៀម រីឯផ្លែទុំវាក៏ចាប់ផ្ដើមរលួយបន្ទិចម្ដងៗ។ វិធានការការពារ៖ ត្រូវបាញ់ថ្នាំសត្វល្អិតដែលមានធាតុសកម្មគីមីលើកញ្ចប់ថ្នាំរួមមាន Subatox 75EC, Polytrin 440ND ជាមួយនឹងកំហាប់ 0.២-0.៣% ឬតាមការណែនាំលើសំបកថ្នាំ ហើយត្រូវបាញ់នៅពេលព្រឹក ឬល្ងាច។
• អាពីត(Ahpid)៖ វាបំផ្លាញទៅលើត្រួយខ្ចី ស្លឹកខ្ចី ផ្លែខ្ចី និងកញ្ចំផ្កា។ ការបំផ្លាញរបស់វាជាដំបូងបឺតយករសជាតិពីកោសិការុក្ខជាតិ បន្ទាប់មកទីតាំងដែលរងការបំផ្លាញក៏ប្រែទៅជាក្រៀម ហើយមិនអាចលូតលាស់បន្តទៀត រីឯផ្លែដែលរងការបំផ្លាញភាគច្រើនពុំមានគ្រាប់ច្រើនឡើយ។ វិធានការការពារ៖ ត្រូវបាញ់ថ្នាំដូចជា៖ Pyrinex 20EC, Subatox 75EC, Suprathion 40EC ដែលមានកំហាប់ 0.២-0.៣% ឬតាមការណែនាំនៅលើកញ្ចប់ថ្នាំ។

ផលិតផលកែឆ្នៃចេញពីកាកាវ

• Cacao nibs
• Cacao beans
• Cacao powder
• Chocolate
• Chocolate spread

ឯកសារយោង

• https://lamdong.gov.vn
• https://youtu.be