ជំងឺ Damping-offលើដំណាំ

Damping offគឺជាជំងឺដែលបង្កឡើងដោយពពួកផ្សិតក្នុងដីរួមមាន Pythium, Phytophthora, Rhizoctonia និង Fusarium ។ ហើយផ្សិតទាំងនេះវាបំផ្លាញទៅលើប្រភេទកូនរុក្ខជាតិដែលទើបដុះពន្លកដោយបង្កជាការរលាកជាដើម។ ម្យ៉ាងទៀតវាបំផ្លាញទៅលើគ្រប់ប្រភេទដំណាំ ដោយខាងក្រោមនេះបានបង្ហាញអំពីប្រភេទដំណាំ រោគសញ្ញា និងការការពារនៃជំងឺផងដែរ។

ប្រភេទដំណាំ

• ត្រសក់
• ប៉េងប៉ោះ
• ម្ទេស
• ទុរេន
• សណ្ដែក
• ខ្ទឹម
• ពោត
• កាហ្វេ…

មូលហេតុនៃការបង្កជំងឺ

• សំណើមខ្ពស់
• សីតុណ្ហភាពទាប
• គ្មានខ្យល់ និងពន្លឺគ្រប់គ្រាន់
• ដីជាំទឹក
• សម្អាតទីតាំងបណ្ដុះមិនស្អាត
• ដីបណ្ដុះផ្ទុកនូវមេរោគផ្សិតស្រាប់

រោគសញ្ញានៃជំងឺ

• គល់ចាប់ផ្ដើមស្រពោនរួចស្វិត ហើយអវត្តមាននៃឫស
• ក្រោយស្វិតគល់វាចាប់ផ្ដើមស្រពោនទាំងដើម និងស្លឹក
• ស្លឹកប្រែពីបៃតងទៅប្រផេះ ហើយប្ដូរទៅជាពណ៌ត្នោត
• រួចដើមទន់ចុះទៅដី ហើយងាប់។

ការពារដោយធម្មជាតិ

• រាលសម្ភារៈឬថង់បណ្ដុះឬផើងចាស់ត្រូវសម្អាតឲ្យបានស្អាតមុននឹងយកទៅបណ្ដុះឬអាចប្រើប្រភេទថ្នាំសម្លាប់មេរោគជាមុនសិន។
• បណ្ដុះកូនរុក្ខជាតិដោយដីបណ្ដុះដែលមានការរៀបចំ និងសម្អាតត្រឹមត្រូវ។ ម្យ៉ាងទៀតគេអាចប្រើប្រភេទដីកំប៉ុស្តិ៍ជាដើម។
• មិនត្រូវឲ្យដីមានសំណើមយូរពេកទេ និងត្រូវមានខ្យល់ចេញចូលល្អ។
• ទីតាំងបណ្ដុះត្រូវប្រាកដថាជាទីតាំងដែលមិនលិចទឹកឬជាំទឹកយូរឡើយ។

ការការពារជំងឺដោយថ្នាំគីមី

• ការសម្អាតគ្រាប់ដោយប្រើ metalaxyl-M ។
• ថ្នាំបាញ់លើស្លឹក និងដើម៖ Captan 31.8% ឬ Metalaxyl-M 75% ដោយបាញ់នៅថ្ងៃណាដែលមេឃស្រទុំខ្លាំង ហើយគ្មានពន្លឺគ្រប់គ្រាន់។
• នៅពេលដែលលិចទឹកឬជាំទឹកយូរគេអាចការពារដោយថ្នាំ៖ Copper Oxychloride ។

#ចំណាំ៖ ជំងឺនេះមិនមានការគ្រប់គ្រងច្បាស់លាស់ណាមួយតាមរយៈថ្នាំគីមីឡើយ។

ឯកសារយោង

• https://plantix.net/en/library/plant-diseases/100322/damping-off-of-seedlings/
• https://www.missouribotanicalgarden.org/gardens-gardening/your-garden/help-for-the-home-gardener/advice-tips-resources/pests-and-problems/diseases/cankers/damping-off
• https://www.edinburghgardenschool.com/2015/09/damping-off/