បច្ចេកទេសគ្រប់គ្រងជំងឺAnthracnoseលើដំណាំ

Anthracnose គឺជាជំងឺផ្សិតដែលប៉ះពាល់ដល់រុក្ខជាតិជាច្រើនប្រភេទ រួមទាំងដំណាំឈើហូបផ្លែ និងដំណាំបន្លែ។ ជាទូទៅមេរោគ Anthracnose បណ្តាលឲ្យមានស្នាមអុជខ្មៅ លើស្លឹក ដើម ផ្លែ និងផ្នែកផ្សេងៗនៃរុក្ខជាតិ។ ដំបៅទាំងនេះអាចតូច ឬធំ អាស្រ័យលើភាពធ្ងន់ធ្ងរនៃការឆ្លងមេរោគ។ ក្នុងករណីធ្ងន់ធ្ងរ ដំបៅអាចបណ្ដាលឲ្យផ្នែកនៃរុក្ខជាតិដែលរងផលប៉ះ ពាល់ក្រៀមស្វិត និងស្លាប់។ ជំងឺនេះបង្កឡើងដោយផ្សិត Colletotrichum ហើយវារីករាលដាលបានល្អនៅពេលដែលមានអាកាសធាតុត្រជាក់ហើយសើម។

ប្រភេទរុក្ខជាតិដែលអាចកើតជំងឺ

• ស្វាយ
• ដំណាំមានដៃតោង(ម្រះ ល្ពៅ ត្រសក់…)
• ម្ទេស
• ប៉េងប៉ោះ
• ចេក
• ប្រទាលកន្ទុយក្រពើ
• ក្រូច
• ឪឡឹក
• ប័រ
• ត្រាប់
• សណ្ដែក
• ត្របែក
• ដើមខ្ទឹម។ល។

រោគសញ្ញានៃជំងឺ

ជាទូទៅជំងឺប្រភេទនេះតែងបង្កនូវរោគសញ្ញាមួយចំនួនដែលអាចឲ្យយើងកត់ចំណាំឬសម្គាល់បាន។ នៅពេលវាជួបនូវលក្ខខណ្ឌអំណោយផល រោគសញ្ញាលេចឡើងនៅលើផ្លែ ដែលលេចចេញជាដំបៅរាងជា រង្វង់ ឬជ្រុង បន្ទាប់មកនៅពេលវាធ្ងន់ធ្ងរធ្វើឲ្យផ្លែឈើរលួយផ្លែទាំងមូល។ រីឯលក្ខណៈនៃដំបៅមានពណ៌ជាចំណុចខ្មៅនៅក្នុងរង្វង់ទីតាំងកើតជំងឺ។ ដំបូង ដុំពកពណ៌ទឹកក្រូចប្រែទៅជាពណ៌ផ្កាឈូក អាចមើលឃើញនៅលើផ្ទៃផ្លែ។ រីឯ រោគសញ្ញានៅលើដើម និងស្លឹកលេចឡើងជាចំណុចពណ៌ត្នោតតូចៗដែលលិចដោយពណ៌ប្រផេះជាមួយនឹងគែម ខ្មៅងងឹត។

វិធានការការពារតាមធម្មជាតិ

• ប្រើគ្រាប់ពូជដែលមានគុណភាពល្អ
• ប្រើប្រាស់នូវប្រព័ន្ធធារាសាស្ត្រដែលមានប្រភពច្បាស់លាស់
• សម្អាតកាកសំណល់នៅលើដីចាស់ឲ្យបានស្អាត
• សម្អាតសម្ភារៈប្រើប្រាស់ឲ្យបានល្អ
• ដំណាំឆ្លាស់

វិធានការគ្រប់គ្រងជំងឺ

គេអាចប្រើប្រាស់ថ្នាំគីមីដែលមានធាតុសកម្មដូចជា៖ Copper Oxychloride, Difenoconazole និង Carbendazim។ គេអាចប្រើប្រភេទថ្នាំនីមួយៗមុនពេលកើតជំងឺ និងក្រោយពេលកើតជំងឺ។

• របៀបប្រើ៖ កម្រិតធាតុសកម្មក្នុងបរិមាណ ២ក្រាមក្នុង ១លីត្រទឹក ហើយប្រើ ២ដងសម្រាប់រយៈពេល ២០ថ្ងៃ។(ម្យ៉ាងទៀតគេអាចប្រើប្រាស់តាមការណែនាំលើកញ្ចប់ថ្នាំផងដែរ)

ឯកសារយោង

• http://nk.org/doi/10.1079/pwkb.20147801
• https://core.ac.uk/download/pdf/42989369.pdf
• https://www.ncbi.nlm.nih.gov/pmc/articles/PMC2565739/#:~:text=Generally%2C anthracnose disease is caused,The anamorphs are Glomerella species.