ត្រប់គឺជាអំបូរ(solanammeioncenalL.)ជាប្រភេទដំណាំបន្លែមួយក្នុងចំណោមដំណាំបន្លែសំខាន់ៗនៅក្នុងពិភពលោក។ ដំណាំត្រប់មានច្រើនប្រភេទដូចជា ត្រប់ស្រួយ ត្រប់ពតញង ត្រប់ខារ និងត្រប់វែង…។ ត្រប់ជាបន្លែមួយប្រភេទដែលបងប្អូនកម្ពុជា យកទៅធ្វើម្ហូប ម្លក់ បរិភោគជាប្រចាំថ្ងៃ ។ ដូច្នេះទើបមានការពេញនិយមក្នុងការដាំដំណាំត្រប់ ដែលខ្លះមានជាលក្ខណៈគ្រួសារ ជាចម្ការធំៗ និងខ្លះជាសួរបន្លែចម្រុះ។
លក្ខខណ្ឌដី
ដំណាំត្រប់អាចដុះលូតលាស់បាននៅលើដីស្ទើរគ្រប់ប្រភេទជាពិសេសនៅលើដី ដែលមាន PH 5.5-6 ប្រភេទដីដែលមាន PHកម្រិតនេះគឺវាបានធ្វើអោយដំត្រប់ទទួលបានទិន្នផលខ្ពស់។
លក្ខខណ្ឌអាកាសធាតុ
នៅទីកន្លែងដែលមានសីតុណ្ហភាពចន្លោះពី 18-25អង្សាសេ គឺលក្ខខណ្ឌអំណោយផលសម្រាប់ការដុះលូតលាស់និងផ្ដល់ទិន្នផលខ្ពស់របស់ដំណាំត្រប់។
ការរៀបចំដី
- សម្អាតដីចំការ និងរើសស្មៅចេញអោយអស់
- ភ្ជួរ រាស់ដីអោយបានម៉ដ្ឋល្អ ហើយហាលអោយបានពី 10-15ថ្ងៃ
- ភ្ជួរដី ជម្រៅពី 15-20cm។
ការរៀបចំរង
- ទទឹងរង ៖ 1m និង បណ្ដោយទៅតាមលទ្ធភាពដី តែមិនគួរអោយលើពី15m ឡើយ ដែលធ្វើអោយលំបាកក្នុងការថែទាំ ដូចជា ស្រោចទឹកដកស្មៅជាដើម។
- កម្ពស់ ៖ នៅរដូវប្រាំង 20-30cm និងនៅរដូវវស្សាពី 30-50cm។
- ដាក់លាមកសត្វស្ងួត ឬ ជីកំប៉ុស្ដិ៍ក្នុងបរិមាណពី 1-2គីឡូក្រាម ក្នុផ្ទៃដី 1m2 កប់ទ្រាប់បាតរងដោយច្របល់អោយសព្វជាមួយដីរង ។
- គ្របរងដាំ ៖ ធ្វើបានពីប្រភេទ ដើម្បីទប់ស្កាត់ការហូរច្រោះរង ការពារសំណើមដី កាត់បន្ថយការដុះស្មៅ។
ការរៀបចំបណ្ដុះកូនត្រប់
ត្រូវរៀបចំបណ្ដុះកូនត្រប់ ព្រមពេលជាមួយគ្នានឹងការរៀបចំដីដាំ។
ការបណ្ដុះគ្រាប់ជាមុន
- យកគ្រាប់ដាក់ពង្រាយក្នុងក្រណាត់ស្បៃជក់ទឹក មករុំគ្រាប់អោយហប់ល្អ
- ស្រោច ទឹកជារៀបរាល់ថ្ងៃអោយក្រណាត់ស្បៃសើមហើយដាក់ទីកន្លែងហប់មានកំដៅ
- ផ្អាប់គ្រាប់ចំនួនពី 1-2យប់
- ជ្រើសរើសយកគ្រាប់បែកមាត់ដាក់ 1គ្រាប់ក្នុង 1កន្ទោង ឬ1រន្ធថាសបណ្ដុះ
- ដាក់គ្រាប់ជម្រៅ 1cm(ប្រហែងកន្លះថ្នាំងដៃ)
- រោយដីស្ដើងៗពីលើគ្រាប់។
ការដាក់ដាំកូនត្រប់
- កូនត្រប់អាយុ1ខែ បន្ទាប់ពីសាបគ្រាប់អាចយកទៅដាំបាន
- ត្រូវពង្រឹងកូនត្រប់ចំនួន5ថ្ងៃ មុនយកកូនទៅដាំ (ដាក់កូនត្រប់អោយត្រូវពន្លឺថ្ងៃ និងកាត់បន្ថយការស្រោចទឹក
- បញ្ជូលទឹកតាមប្រលោះរងនៅពេលព្រឹក (ប្រសើរបំផុត សម្រាប់រងដាំដោយគ្របកៅស៊ូប្លាស្ទិចប៉ុណ្ណោះ)
- ដាក់ថ្នាំពុលកសិកម្ម(Dinotefuran) មុនពេលដាំ2ក្រាម (គឺប្រហែល1ស្លាបព្រាជ័រ)ក្នុង 1រណ្ដៅ ។យើងអាចដាក់មុនឬ ក្រោយពេលដាំ (យ៉ាងយូរ 7ថ្ងៃបន្ទាប់ពីដាំ) ដើម្បីការពារសត្វល្អិតចង្រៃបំផ្លាញ ដំាំណាំដូចជាពពួកសត្វល្អិតជញ្ជក់ (រុយស ចៃ ទ្រីប …)
- ដាំកូនត្រប់ដាក់ត្រឹម ដីកំណើត(ដីបណ្ដុះ)
ការថែទាំ
ការដាក់ជីបំប៉ន
| ពេលវេលា | ប្រភេទ | បរិមាណ | កន្លែងដាក់ជី |
| មុនពេលដាំ15ថ្ងៃ | ជីសរីរាង្គ(លាមកសត្វ ដែលពុកផុយឬ កំប៉ុស្តិ៍) | ពី1-2kg/ដី1ម៉ែត្រការ៉េ | កប់ជីកណ្ដាលរង(ពេលរៀបចំរងដាក់គម្របរង) |
| មុនពីដាំ5-7ថ្ងៃ | ជី 20-20-15 | 5g/គុម្ព | បុកកប់កណ្ដាលរណ្ដៅ(មុនដាំពី5-7ថ្ងៃ) |
| ក្រោយដាំ7ថ្ងៃ | ជី20-20-15និងជី46-0-0 | មួយប្រភេទ5g/គុម្ព | កប់ជី10cmពីគុលដំណាំ(2រន្ធខាងខាងគុល |
| ក្រោយដាំ14ថ្ងៃ | ជី20-20-15និងជី46-0- | មួយប្រភេទ5g/គុម្ព | កប់ជី10cmពីគុលដំណាំ(2រន្ធខាងខាងគុល |
| ក្រោយដាំ21ថ្ងៃ | ជី20-20-15និងជី16-20-0 | មួយប្រភេទ5g/គុម្ព | កប់ជីពី18-25cmពីគុល(មួយរន្ធចន្លោះគុម្ព) |
| ក្រោយដាំ28ថ្ងៃ | ជី20-20-15និងជី16-20-0 | មួយប្រភេទ5g/គុម្ព | កប់ជីពី18-25cmពីគុល(មួយរន្ធចន្លោះគុម្ព) |
| ក្រោយដាំ35ថ្ងៃ | ជី20-20-15និងជី0-0-60 | មួយប្រភេទ5g/គុម្ព | កប់ជីពី18-25cmពីគុល(មួយរន្ធចន្លោះគុម្ព) |
| ក្រោយដាំ42ថ្ងៃ | ជី20-20-15និងជី16-20-0 | មួយប្រភេទ5g/គុម្ព | កប់ជី25cmពីគុល(មួយរន្ធ) |
| ក្រោយដាំ49ថ្ងៃ | ជី16-20-0 និង ជី0-0-16 | មួយប្រភេទ5g/គុម្ព | កប់ជី25cmពីគុល(មួយរន្ធ) |
| ក្រោយដាំ56ថ្ងៃ | ជី20-20-15និងជី16-20-0 | មួយប្រភេទ5g/គុម្ព | កប់ជី25cmពីគុល(មួយរន្ធ) |
| ក្រោយដាំ63ថ្ងៃ | ជី16-20-0 និង ជី0-0-16 | មួយប្រភេទ5g/គុម្ព | កប់ជី25cmពីគុល(មួយរន្ធ) |
ចំណាំ : ការដាក់ជីរហូតដល់ការប្រមូលផលអស់ ការដាក់ជីវាអាចប្រែប្រួលបរិមាណឬប្រភេទជីគឺអាស្រ័យទៅលើសុខភាពដំណាំការស្រោចទឹក
- ស្រោចទឹករៀងរាល់ បន្ទាប់ពីដាំកូន រហូតដល់បាន2អាទិត្យ ដើម្បីអោយកូនត្រប់ ដុះឬសបានរឹងមាំ
- កុំទុកអោយដីស្ងួត រហូតដល់3ថ្ងៃ ជាពិសេសក្នុងពេលត្រប់ចេញផ្កា និងក្ដិបផ្លែ
- ស្រោចទឹកដោយបញ្ជូលទឹកតាមប្រលោះរង
ជំងឺនិងសត្វល្អិត
ជំងឺនិងសត្វល្អិតដែលច្រើនកើតមានលើដំណាំត្រប់មានដូចជា៖
- ដង្កូវចោះផ្លែនិងស៊ីរូងដើម
- ដង្កូវកាត់ស្លឹក
- ពីងពាងក្រហម
- ចៃ
- ជំងឺស្រពោនស្លឹក…។
ការប្រមូលផល
- ទំហំផ្លែត្រប់បេះទៅតាមតម្រូវការទីផ្សារ
- ត្រូវបេះផ្លែនៅពេលព្រឹកដោយប្រើកន្រ្ដៃកាត់ទង
- បេះផ្លែដាក់ក្នុងសម្ភារៈដែលមានផ្ទៃរលោង ដើម្បីកុំអោយកកតិ និងជាំផ្លែ
- ចំណាត់ថ្នាក់គុណភាពត្រប់ ជាលេខ 1, 2, 3
- ច្រកថង់ដែលមានបរិមាណសមស្របមានគុណភាពស្វិតទន់
- ថង់ត្រូវចោះរន្ធតូចៗ ដើម្បីអោយមានខ្យល់ចេញចូល កុំអោយស្លោក
- ជៀសវាងច្រកបន្លែច្រើនជ្រុល ហូសបរិមាណ (មហាប្រើសម្ភារៈគ្មានខ្យល់ចេញចូលព្រោះវាធ្វើអោយបន្លែខូចគុណភាព (ទន់ ប្រែពណ៍លឿង និងងាយរលួយ)។
ឯកសារយោង
