មកយល់ដឹងអំពី«ផេះ»ចំពោះវិស័យកសិកម្ម

ផេះគឺជាកាកសំណល់ដែលបន្សល់ពីការឆេះនៃអុសឬកាកសំណល់រុក្ខជាតិណាមួយ។ ផេះមានអត្ថប្រយោជន៍ជាច្រើនសម្រាប់កសិករក្នុងការដាំដុះដំណាំ ជួយទៅដល់ដី បណ្ដេញសត្វល្អិត និងកាត់បន្ថយចំណាយដោយងៀកមកប្រើប្រាស់កាកសំណល់ផេះផ្ទះបាយផងដែរ។ ដោយឡែកទោះជាវាមានអត្ថប្រយោជន៍សម្រាប់ការធ្វើកសិកម្ម ប៉ុន្តែវាក៏បានបន្សល់នូវគុណវិបត្តិមួយចំនួនទៅដល់ដីប្រសិនបើយើងប្រើប្រាស់មិនបានត្រឹមត្រូវទៅតាមបច្ចេកទេស។ ខាងក្រោមនេះគឺជាបច្ចេកទេសក្នុងការប្រើប្រាស់ផេះ អត្ថប្រយោជន៍ និងគុណវិបត្តិរបស់វា៖

គុណសម្បត្តិ

• ការកែប្រែដី៖ ផេះមានប៉ូតាស្យូម កាល់ស្យូម និងសារធាតុរ៉ែផ្សេងទៀត ដែលអាចជួយធ្វើឱ្យមានតុល្យភាព pH ដី និងផ្តល់សារធាតុចិញ្ចឹមសំខាន់ៗសម្រាប់ការលូតលាស់របស់រុក្ខជាតិ។
• កំចាត់សត្វល្អិត៖ គេអាចរោយផេះនៅតាមគល់ដំណាំព្រោះវាអាចទប់ស្កាត់សត្វល្អិតដូចជា ខ្យង កណ្តូប និងសត្វល្អិតដែលអាចបំផ្លាញដំណាំឬកាត់ត្រួយប្រភេទបន្លែស្លឹក។
• ជី៖ ផេះអាចប្រើជាជីធម្មជាតិដើម្បីបង្កើនជីជាតិរបស់ដី និងជំរុញការលូតលាស់របស់រុក្ខជាតិអោយមានសុខភាពល្អ។
• ជីកំប៉ុស្តិ៍៖ ការបន្ថែមផេះទៅក្នុងជីកំប៉ុស្តិ៍អាចជួយពន្លឿនដំណើរការរលួយ និងបង្កើនសារធាតុចិញ្ចឹមរបស់ជីផងដែរ។
• ការការពារជំងឺ៖ ផេះអាចជួយការពារជំងឺរុក្ខជាតិមួយចំនួនដោយបង្កើតឲ្យមានអាល់កាឡាំងនៃដីដែលមិនសូវអំណោយផលសម្រាប់សារពាង្គកាយដែលបង្កជំងឺនៅក្នុងដី។

គុណវិបត្តិ

• អាល់កាឡាំងដី៖ ផេះឈើមានជាតិអាល់កាឡាំងនៅក្នុងធម្មជាតិ ហើយអាចបង្កើន pH របស់ដី។ ការប្រើប្រាស់ផេះឈើលើសកំណត់អាចនាំឱ្យដីមានជាតិប្រៃ និងអាសុីតច្រើន ដែលអាចជះឥទ្ធិពលអវិជ្ជមានដល់ការសារធាតុចិញ្ចឹមមួយចំនួនដល់រុក្ខជាតិ។
• អតុល្យភាពសារធាតុចិញ្ចឹម៖ ការប្រើប្រាស់ផេះច្រើនពេកអាចបណ្តាលឱ្យមានអតុល្យភាពនៃសារធាតុចិញ្ចឹមនៅក្នុងដី ជាពិសេសប្រសិនបើវាមានប៉ូតាស្យូមខ្ពស់ដែលអាចនាំឱ្យមានកង្វះសារធាតុចិញ្ចឹមនៅក្នុងរុក្ខជាតិ។
• ការចម្លងរោគ៖ ផេះពីឈើកែច្នៃ ឬសម្ភារៈផ្សេងទៀតអាចមានសារធាតុគីមី ឬលោហៈធាតុធ្ងន់ដែលអាចប៉ះពាល់ដល់សុខភាពដី និងរុក្ខជាតិ។

បច្ចេកទេសប្រើប្រាស់

គេអាចប្រើប្រាស់ផេះ ៥០-៧០ក្រាម(g)ក្នុងផ្ទៃដី ១ម៉ែត្រការ៉េ ដោយមួយឆ្នាំអាចប្រើចន្លោះ ១ទៅ២ដង ប៉ុន្តែមុននឹងប្រើប្រាស់ត្រូវធ្វើតេស្តpHដីឬសារធាតុចិញ្ចឹមនៃដីជាមុនសិន ជៀសវាងការប្រើប្រាស់វាលើសកំណត់អាចបង្កហានិភ័យទៅដល់ដីផងដែរ។ ហើយគេអាចប្រើផេះជំនួសកំបោរដើម្បីបង្កើនអាសុីតនៅពេលដែលដីមានអាដុីតទាបខ្លាំងពេក។

#បញ្ជាក់៖ជាផេះផ្ទះបាយនៃកាកសំណល់អុសឬរុក្ខជាតិ ឬផេះចំបើងនៅតាមវាលស្រែ និងផេះឈើដទៃ ប៉ុន្តែមិនត្រូវដុតព្រៃដើម្បីតែបានផេះកសិកម្មឡើយ។

ឯកសារយោង

• https://www.facebook.com/share/NUMZzwWnFvC48WGp/?mibextid=I6gGtw
• https://www.rhs.org.uk/soil-composts-mulches/wood-ash-using-in-garden