ប្រព័ន្ធផ្សព្វផ្សាយកសិកម្មលេខ១របស់កម្ពុជា
booked.net
booked.net
booked.net
booked.net

ប្រភេទសត្វចង្រៃបំផ្លាញដំណាំ និងសត្វល្អិតមានប្រយោជន៍

កម្ចាត់សត្វល្អិតចង្រៃលើដំណាំ

សត្វល្អិតមានពីរប្រភេទសត្វល្អិតមានប្រយោជន៍ និងសត្វល្អិតគ្មានប្រយោជន៍។ ដើម្បីអាចកំណត់សម្គាល់នូវលក្ខណៈនៃសត្វល្អិតនីមួយៗយើងអាចសិក្សាតាមរយៈសកម្មភាពរបស់វាមួយចំនួនផងដែរ។ ខាងក្រោមនេះគឺជាសត្វចង្រៃដែលបង្កហានិភ័យទៅដល់ដំណាំ និងសត្វល្អិតមានប្រយោជន៍ជាដើម។

សត្វល្អិតមានប្រយោជន៍

ពីងពាងជើងបន្លា និងពីងពាងជើងលោត

ជាប្រភេទសត្វដែលស្ថិតក្នុងលំដាប់Arachnida ហើយពីងពាងជើងបន្លាស្ថិតក្នុងគ្រួសារ Oxyopidae និងពីងពាងលោតនៅក្នុងគ្រួសារ Salticidae។ ពួកវាមានឥទ្ធិពលទៅលើពពួកដង្កូវមូលស្លឹក ដង្កូវCaterpillars និងសុីពងសត្វល្អិតចង្រៃដទៃទៀត ហើយវាក៏អាចសុីសត្វល្អិតមានប្រយោជន៍ដែរ។

អណ្ដើកមាសប្រាំមួយចំណុច និងអណ្ដើកមាសកុកសុីណែលលីត

ជាសត្វល្អិតដែលមានស្លាបរឹង ស្ថិតនៅក្នុងលំដាប់ Coleoptera ហើយមានគ្រួសារនៅក្នុង Coccinellidae។ វាបានជួយទៅដល់ដំណាំដោយដើរតួជាប្រេដាទ័រដ៏ចាំបាច់មួយក្នុងការសុីពពួកចៃ និងដង្កូវ ព្រមទាំងពងសត្វល្អិតចង្រៃដទៃទៀតផងដែរ។

សត្វល្អិតជាច្រើនទៀត

សត្វល្អិតមានប្រយោជន៍ជាច្រើនទៀតរួមមាន៖ សត្វល្អិតស្លាបសំណាញ់, កណ្ដូបបុកស្រូវ, ឪម៉ាល់ប៉ារ៉ាសិតសុីពង, ស្រម៉ោចប្រេដាទ័រ, ឪម៉ាល់ប៉ារ៉ាសិត, ស្រឹងពេជ្ឈឃាត, ស្រឹងខែល, រុយជើងធំ, រុយតាឈីនីដ, រុយសំកាំង, និងសត្វកន្ទុយពីរ។

សត្វចង្រៃ

សិប្បីសត្វ

ពពួកសិប្បីសត្វរួមមានខ្យង លាស ងៀវ និងសត្វក្នុងទឹកសាបសំបករឹងដទៃទៀត ប៉ុន្តែនៅក្នុងចំណោមសត្វទាំងអស់នេះខ្យងត្រូវបានគេចាត់ចូលជាសត្វដែលបានបំផ្លាញទៅដល់ដំណាំលើទឹកក្នុងស្រែដូចជាស្រូវជាដើម។

Arthropod

នៅក្នុងអាត្រូពូត(Arthropod)គេបែងចែកជា «២»ផ្នែកធំៗរួមមាន៖

  • សត្វល្អិត(insect)៖ សត្វមមាចជាសត្វដែលបំផ្លាញទៅដល់ដំណាំស្រូវ ហើយសត្រូវធម្មជាតិរបស់សត្វល្អិតប្រភេទនេះរួមមាន ពពួកប៉ារ៉ាសុីត និងសត្វរំពារ(រុយ ស្រមោច កន្ទុំរុយ ស្រឹងទឹក ស្រឹងគោក ខ្មូតដី អណ្ដើកមាស មេអំបៅ និងពីងពាង)។ ក្រៅពីមមាចក៏មានប្រភេទដង្កូវសុីរូងដើម និងឫសដែលតែងតែកើតជាញឹកញាប់ចំពោះដំណាំចន្ទីរ និងឈើហូបផ្លែដទៃទៀត។ រីឯចៃក៏ជាកត្តាបំផ្លាញដំណាំយ៉ាងធ្ងន់ធ្ងរ ហើយវាមិនរើសដំណាំឡើយវាអាចបំផ្លាញបានស្ទើរតែគ្រប់ប្រភេទដំណាំទាំងអស់។
  • មិនមែនសត្វល្អិត(non-insect)៖ រួមមានក្ដាម ដែលវាបានបំផ្លាញទៅដល់ស្រូវដោយកាត់ដើមស្រូវជាដើម។

#ចំណាំ៖នៅមានសត្វល្អិតចងហរៃជាច្រើនប្រភេទទៀតនៅក្នុងប្រទេសកម្ពុជាយើងផងដែរ។

ឯកសារយោង

Writer
Contact
Recommend
Seach