បច្ចេកទេសដាំឈូកយកគ្រាប់

ផ្កាឈូកមានឈ្មោះវិទ្យាសាស្រ្ដថា Nelumbo nucifera ស្ថិតក្នុងគ្រួសារ Nelumbonaceae ។ យើងអាចទាញយកផលប្រយោជន៍ពីដំណាំឈូកជាច្រើនដូចជា ស្លឹក ក្រអៅឈូក មើមឈូក ក៏ដូចជាផ្លែឈូកផងដែរ។

សីតុណ្ហភាព

ផ្កាឈូកចូលចិត្តកន្លែងដែលមានពន្លឺ វាត្រូវការពន្លឺយ៉ាងហោចណាស់ប្រាំមួយម៉ោងក្នុងមួយថ្ងៃ។ផ្កាឈូកលូតលាស់នៅសីតុណ្ហភាពប្រហែល ៧៥ ទៅ ៨៧ អង្សាហ្វារិនហៃ។

ការជ្រើសរើសពូជ

• ត្រូវជ្រើសរើសយកពូជឈូកបាយ ព្រោះឈូកពូជនេះផ្ដល់ទិន្នផលខ្ពស់និងមានគ្រាប់ណែនជាងពូជផ្សេងទៀត
• ត្រូវជ្រើសរើសកូនណាដែលថ្លោសល្អ មិនត្រូវយកកូនឈូកដែលចាស់ពេកឬខ្ចីពេកនោះទេ

ការរៀបចំដី

• ត្រូវជ្រើសរើសដីបាតភូមិព្រោះវាសម្បូរជីវជាតិ
• មុននិងដាំត្រូវភ្ជួរដី ២ ទៅ ៣ ដង ដោយភ្ជួរលើកទីមួយដើម្បីកម្ចាត់ស្មៅ ដោយមុននិងភ្ជួរត្រូវបាញ់ថ្នាំកម្ចាត់ស្មៅរួចទុករយៈពេល ៣ទៅ ៧ថ្ងៃ ទើបភ្ជួរលើកទីពីរ បូកផ្សំទាំងការរាស់ផងដែរ
• ត្រូវបង្ហូរទឹកចូលស្រែ

របៀបដាំ

• ត្រូវជ្រើសរើសកូនដែលថ្លោសល្អ មិនចាស់ឬខ្ចីពេក
• ត្រូវដាំកូនដែលបានរៀបចំដីរួច ដោយដាំកូនពីដើម មួយទៅដើមមួយ ចន្លោះពី ៣០សម
• យកកូនឈូកដែលត្រូវដាំចុកចូលទៅក្នុងដីកុំអោយអណ្ដែតគល់ត្រូវផ្ងារស្លឹកកុំអោយរលួយស្លឹក

ការថែទាំ

• ក្រោយដាំបានរយៈពេល៧ ទៅ១៥ថ្ងៃ ឈូកនឹងចាប់ផ្តើមដុះស្លឹកហើយ
• ត្រូវចាប់ផ្តើមដើរដកស្មៅ ដើម្បីឱ្យឈូកដុះលូតលាស់លឿន
• អំឡុងពេលនេះ ចាំបាច់ត្រូវរក្សាទឹកក្នុងស្រែ មិនឱ្យលើសពី១ម៉ែត្រនោះឡើយ
• ដំណាំនេះ បើដាំដុះក្នុងខែវស្សាពុំសូវមានសត្វចង្រៃបំផ្លាញទេ បើដាំនៅក្នុងខែប្រាំង នោះនឹងអាចមានកត្តាប្រឈមជំងឺ ឬសត្វចង្រៃបំផ្លាញច្រើន
• ដំណាំឈូកមានសត្វចង្រៃបំផ្លាញមួយចំនួនដូចជា សត្វក្រាវាមូលកឈូក ដង្កូវស៊ីគ្រាប់ និងខ្យងបំផ្លាញ ជាដើម។

ការប្រមូលផល

ឈូកនឹងផ្តល់ផលជាបណ្តើរៗក្នុងរយៈពេលចាប់ពី ៣ខែ ទោះបីជាឈូកមានអាយុ៦ខែទើបផ្តល់ផលក្តី។

ឯកសារយោង

• https://youtu.be
• https://en.wikipedia.or
• https://kenaqgardens.org
• https://www.vinmec.com/en/news