មានកត្តាជាច្រើនបានធ្វើឲ្យដំណាំមានរដូវប្រមូលផលខុសៗគ្នា ជាក់ស្ដែងដូចជាដំណាំបីប្រភេទនេះដែលកសិករធ្វើការដាំដុះស្ទើពាសពេញផ្ទៃប្រទេស។ ដំណាំទាំងនោះរួមមាន៖ ទុរេន សាវម៉ាវ មង្ឃុត និងដំណាំឈើហូបផ្លែដទៃទៀតដែលមានរដូវប្រមូលផលខុសៗគ្នាទៅតាមតំបន់ដូចជានៅខេត្តមណ្ឌលគិរីកសិករអាចប្រមូលផលទុរេន សាវម៉ាវ និងមង្ឃុតនៅក្នុងរដូវខុសពីខេត្តផ្សេងៗ(មានន័យថាខេត្តមណ្ឌលគិរីទុំក្រោយគេ)។ កត្តាដែលធ្វើឲ្យឈើហូបផ្លែប្រមូលផលខុសរដូវដោយសារ៖

កត្តាអាកាសធាតុ

អាកាសធាតុពិតជាមានឥទ្ធិពលខ្លាំងណាស់ចំពោះដំណាំទាំងការលូតលាស់ រសជាតិ និងទិន្នផល។ នៅប្រទេសកម្ពុជាយើងខេត្តនីមួយៗមានអាកាសធាតុស្ទើរតែខុសគ្នាគ្រប់តំបន់ជាពិសេសតំបន់ដែលសម្បូរទៅដោយព្រៃឈើដូចជាភូមិភាគឦសាន។ ភាពខុសគ្នានៃអាកាសធាតុទាក់ទងទៅនឹង សីតុណ្ហភាព ទឹកភ្លៀង និងកម្រិតពន្លឺព្រះអាទិត្យ។

មានន័យថាដំណាំដែលមានសីតុណ្ហភាព កម្ពស់ទឹកភ្លៀង និងពន្លឺព្រះអាទិត្យគ្រប់គ្រាន់នូវតម្រូវការរបស់វា នៅពេលនោះវានឹងលូតលាស់បានលឿនជាងតំបន់ដែលមានអាកាសធាតុមិនសមស្រប ប៉ុន្តែវានៅតែផ្តល់ទិន្នផលមកដូចគ្នាគ្រាន់តែមុន និងក្រោយតែប៉ុណ្ណោះ។

កត្តាភូមិសាស្ត្រ

ភូមិសាស្ត្រនៃប្រទេសមួយក៏អាចមានឥទ្ធិពលលើពេលវេលានៃការប្រមូលផលដំណាំផងដែរ។ វាទាក់ទងទៅនឹងកម្ពស់នីវ៉ូទឹកសមុទ្ររបស់តំបន់នីមួយៗប្រសិនបើនៅតំបន់ភ្នំ ដំណាំអាចត្រូវបានដាំដុះនៅកម្ពស់ខ្ពស់ ដែលរដូវដាំដុះខ្លីជាង ដោយសារសីតុណ្ហភាពត្រជាក់ជាង។

បច្ចេកទេសដាំដុះ

វិធីសាស្ត្រដាំដុះ និងបច្ចេកទេសខុសគ្នាក៏អាចប៉ះពាល់ដល់ពេលវេលានៃការប្រមូលផលដំណាំដែរ។

ដោយវិធីសាស្ដ្រទាំងនោះរួមមាន៖ ការប្រើប្រាស់ផ្ទះកញ្ចក់ឬផ្ទះសំណាញ់ បច្ចេកទេប្រព័ន្ធធារាសាស្រ្ត កាលបរិច្ឆេទដាំដុះមិនជាក់លាក់។ ការធ្វើបែបនេះអាចបណ្តាលឱ្យមានការប្រែប្រួលនៃពេលវេលាប្រមូលផល មិនថាដំណាំដូចគ្នាដាំនៅក្នុងប្រទេសតែមួយក៏ដោយ។

តម្រូវការទីផ្សារ

ទីផ្សារក៏ជាកត្តាមួយដែលធ្វើឲ្យរដូវប្រមូលផលដំណាំប្រែប្រួលដែរ នៅពេលដែលមានការពេញនិយមបរិភោគខ្លាំងពេលនោះតម្លៃទំនិញចាប់ផ្តើមកើនឡើងដែលជាហេតុធ្វើឲ្យកសិករបង្កើតរដូវប្រមូលផលខុសពីធម្មជាតិរបស់ដំណាំដូចជាការប្រើប្រាស់ជី ថ្នាំ និងអ័រម៉ូនដើម្បីឲ្យដំណាំឆាប់បានប្រមូលផល។

កត្តាដំណាំបង្វិល

កសិករអាចប្រើប្រាស់បច្ចេកទេសមួយនេះដើម្បីរក្សាជីជាតិដី និងការពារការកកើតសត្វល្អិត និងជំងឺ។ ការបង្វិលនេះអាចនាំឱ្យដំណាំខុសៗគ្នាត្រូវបានដាំដុះនៅក្នុងតំបន់ និងពេលវេលាផ្សេងៗគ្នា ដោយសារកសិករធ្វើតាមលំដាប់លំដោយនៃការដាំដុះ និងការប្រមូលផលដែលបានគ្រោងទុក។ លើសពីនេះទៀត ការធ្វើពិពិធកម្មដំណាំអាចជួយកាត់បន្ថយហានិភ័យដែលទាក់ទងនឹងការប្រែប្រួលអាកាសធាតុ ឬភាពមិនច្បាស់លាស់នៃទីផ្សារ។

ឯកសារយោង

• https://climatechange.chicago.gov
• https://www.toppr.com