បច្ចេកទេសធ្វើស្មៅផ្អាប់ គឺជាវិធីមួយដែលធ្វើឱ្យឡើងមេនៅលើអាហារបៃតង ដើម្បីបង្កើតនូវអាស៊ីតខ្លាញ់សរីរាង្គក្នុងកម្រិតមួយទាបដែលចាំបាច់ សម្រាប់ធ្វើឱ្យមានការថយចុះនូវកម្រិត pH បង្កើតបានជាមជ្ឈដ្ឋានជូរមានអំពើទប់ស្កាត់គ្រប់សកម្មភាពរបស់បាក់តេរី ហេតុនេះហើយ ដែលញុំាងឱ្យចំណីអាហារត្រូវបានថែរក្សាទុកកាន់តែយូរ មិនខូចគុណភាព ។
ក្នុងករណីដែលដំណើរការផ្អាប់ប្រព្រឹត្តបានល្អត្រឹមត្រូវ នោះបរិមាណអាស៊ីតឡាក់ទិច ដែលកើតនៅក្នុងចំណីអាហារមានបរិមាណតិច ដែលធ្វើឱ្យចំណីអាហារមានក្លិនក្រអូបប្រហើរ ជួយទាក់ទាញសត្វឱ្យកាន់តែចង់ស៊ីទ្វេរថែមទៀត ។ ផ្ទុយទៅវិញ ប្រសិនបើក្នុងដំណើរការផ្អាប់នេះ ប្រព្រឹត្តទៅមិនបានល្អត្រឹមត្រូវទេ នោះវានឹងធ្វើឱ្យបរិមាណអាស៊ីតឡាក់ទិច ដែលកើតមានចំនួនច្រើនហួសកំណត់ ធ្វើឱ្យកម្តៅក្នុងចំណីអាហារកើនឡើង និងមានក្លិនជូរខ្លាំងទៀតផង ។
ការរៀបចំស្មៅមុនពេលផ្អាប់
ហាលស្មៅខ្ចីៗមួយចំនួនក៏ដូចជាស្មៅដែលមានទឹកច្រើននោះត្រូវហាលសំដិលវាឱ្យបាន៦-១២ម៉ោងធ្វើឱ្យស្មៅទក់ទន់ជាមុនសិន ដើម្បីជួយបង្កើនគុណភាពរបស់វាក្រោយពេលផ្អាប់ ជាពិសេសពពួកស្មៅដែលមានដើមធំ ដូចជាស្មៅដំរី ឬដើមពោតជាដើម។
សារធាតុបន្ថែម
ចំពោះស្មៅខ្ចីបរិមាណទឹកនិងប្រូតេអ៊ីនខ្ពស់ដូចនេះត្រូវបន្ថែមស្កររង៉ូ៣-៧ភាគរយ ដើម្បីបង្កើនគុណភាពនៃអាហារឱ្យកាន់តែឆ្ងាញ់ត្រូវបន្ថែមអំបិល០,៥ភាគរយ។ ដើម្បីចៀសវាង ប្រូតេអ៊ីនត្រូវបំផ្លាញ គប្បីថែមអ៊ុយរ៉េ ០,២៥-០,៥០ភាគរយ។
វិធីផ្អាប់
នៅបាតក្រោមបំផុតនៃរណ្តៅ ត្រូវក្រាលចំបើងកម្រាស់ប្រហែល ១០សង់ទីម៉ែត្រពីដី ទើបយកស្មៅដែលបានកាត់ខ្លីៗ ១០-១៥សង់ទីម៉ែត្រ រួចហើយមករៀបជាស្រទាប់ៗ ដែលមានកម្រាស់ ២០-៣០សង់ទីម៉ែត្រ ទើបស្រោចសារធាតុបន្ថែមពីលើ ហើយត្រូវធ្វើដូចគ្នាបែបនេះ ជាបន្តបន្ទាប់រហូតដល់ពេញរណ្តៅ ជាពិសេសត្រូវញាត់ឱ្យណែននៅគ្រប់ជ្រុងទាំងបួននៃរណ្តៅ លៃយ៉ាងណាកុំឱ្យឧស្ម័នអាចចេញចូលបាន បើមិនដូច្នេះទេ វានឹងធ្វើឱ្យស្មៅរបស់យើងខូចគុណភាព ។ បន្ទាប់ពីញាត់ស្មៅពេញល្មមហើយ នោះត្រូវគ្របដោយចំបើង ១០-២០សង់ទីម៉ែត្រ ពីលើមួយជាន់ទៀត ដើម្បីការពារកុំឱ្យទឹកភ្លៀងអាចហូរចូលទៅក្នុងរណ្តៅបាន ។
ស្មៅផ្អាប់ដែលមានគុណភាពល្អត្រូវមាន
- pH៣,៨ទៅ៤,២
- អាស៊ីតឡាក់ទិចច្រើនជាង៧០ភាគរយ
- អាស៊ីតប៊ុយទីរិចតិចជាង០,១ភាគរយ
- អាស៊ីត អាសេទិច តិចជាង ៣០ភាគរយ
ការផលិតទឹកមេផ្អកស្មៅ
កសិករអាចផលិតបរិមាណទឹកមេផ្អកស្មៅដោយខ្លួនឯងអាស្រ័យលើតម្រូវការជាក់ស្ដែងផលិតផ្អកស្មៅជាចំណីគោ ឬក្របី។ ទឹកមេផ្អកស្មៅនេះអាករក្សាទុកបានត្រឹមតែ ១អាទឹត្យប៉ុណ្ណោះ។
សមាសធាតុផលិតទឹកមេផ្អកស្មៅ
- ស្មៅស្រស់ ទម្ងន់ ០,៥គីឡូក្រាម
- ស្ករ ទម្ងន់ ២ក្រាម (០,២ខាំ)
- ទឹកសុទ្ធ ចំណុះ ១លីត្រ
- ដប់ទឹក មានចំណុះ ១លីត្រ
- ប្រដាប់វាស់កំហាប់ ប៉េហាស់ (Ph)
- របៀបធ្វើទឹកមេផ្អកស្មៅ
- បុកស្មៅស្រស់ចំនួន ០,៥គីឡូក្រាមឲ្យម៉ត់រួចពួតយកទឹកស្មៅ និងច្រោះឲ្យបានស្អាត់ (ថ្លាល្អ) ជាមួយតម្រងក្រណាត់ស្អាត់ដែលមិនមានជាប់សារធាតុផ្សេងៗ (ឧទាហណ៍ ៖ ជាតិប្រៃ សាប៊ូ…)
របៀបធ្វើ
យកទឹកស្មៅដែលច្រោះបានទៅលាយជាមួយស្ករ ០,២ខាំ និងទឹកចំណុះ០,៥លីត្រ បន្ទាប់មកច្រកចូលទៅក្នុងដបកែវស្អាត់ រួចបិតដបឲ្យជិតមិនឲ្យមានខ្យល់ចេញចូល ។
ការក្សាទុក ត្រួតពិនិត្យពីគុណភាពទឹកមេផ្អកស្មៅ
ទឹកផ្អកស្មៅត្រូវរក្សាទុកកន្លែងត្រជាក់ល្មម (មិនក្ដៅ មិនត្រជាក់ ) ក្នុងរយៈពេល ៣ថ្ងៃ បន្ទាប់មកត្រុវយក -ដបមកពិនិត្យមើលគុណភាព និងវាស់កំហាប់របស់ទឹកមេផ្អកស្មៅ ។ កំហាប់ល្អស្ថិតនៅចន្លោះពី ៣ទៅ ៤,៥ ។
របៀបលាយមេផ្អកស្មៅសម្រាប់ធ្វើផ្អកស្មៅ
យើងមិនអាចយកទឹកមេផ្អកស្មៅមកប្រើដោយផ្ទាល់ទេ ។ ទឹកមេស្មៅ១ដប (បរិមាណលាយខាងលើ) ត្រូវយកទៅ-លាយទឹកបន្ថែមចំណុះ ១០លីត្រជាមុនសិនទើបអាចលាយធ្វើជាផ្អកស្មៅបាន ។
ដំណើរការនៃការធ្វើផ្អកស្មៅ
- ច្រូតស្មៅស្រស់រួចដាក់ហាលឲ្យស្រពាប់
- ហាន់ ឬកាប់ចិញ្រ្ចាំឲ្យល្អិតតូចៗ
- ប្រោះ ឬបាញ់ទឹកមេផ្អកស្មៅដែលលាយទឹកឲ្យសព្វល្អក្នុងបរិមាណ ០,៥លីត្រ ក្នុងស្មៅ ២០គីឡូក្រា
- ច្រក់ស្មៅចូលក្នុងថង់ប្លាស្ទិក ឬធុងមានថង់ប្លាស្ទិកក្នុង បន្ទិចម្ដងៗដោយជាន់បង្ហាប់ឲ្យណែន ចង់មាត់ថង់ប្លាស្ទិកដោយមិនឲ្យមានខ្យល់ខាងក្នុង។ បើអាចបឺតខ្យល់ចេញពីថង់រួចចងកុំឲ្យខ្យល់ចូល រក្សាទុកយ៉ាងតិចចំនួន ៣អាទឹត្យទើបអាចយកទៅផ្ដល់ឲ្យគោក្របីស៊ី។
សម្គាល៖ ផ្អកស្មៅដែលមានពណ៍លឿងចាស់ និងមានក្លិនឈួល។ ប្រសិនបើផ្អកស្មៅមានពណ៍ក្រម៉ៅ ប្រផេះ ឬដុះផ្សិត មិនត្រូវផ្ដល់ឲ្យគោក្របីស៊ីទេ។
ការផ្ដល់ឲ្យគោ ឬក្របីស៊ី
កសិករអាចផ្ដល់ចំណីផ្អកស្មៅឲ្យគោក្របីស៊ីជារៀងរាល់ថ្ងៃទៅតាមបរិមាណដែលមាន។ គោក្របី ១ក្បាលអាចស៊ីផ្អកស្មៅចំនួន ១គីឡូក្រាម ក្នុង ១ថ្ងៃ ដោយលាយជាមួយចំណីផ្សេងៗទៀត ដូចជា ជំបើង ស្មៅជាដើម៕
ឯកសារយោង
