ត្របែកគឺជាផ្លែឈើហូបផ្លែមួយប្រភេទ ដែលមានការពេញនិយមបរិភោគ ព្រោះវាមានរសជាតិជូរអែមឆ្ងាញ់។ ត្របែកមានឈ្មោះវិទ្យាសាស្រ្ដថា Psidium guajava L.ដែលមានដើមកំណើតនៅតំបន់ត្រូពិចអាមេរិច ហើយបច្ចុប្បន្នបានរីករាលដាលដាំដុះនៅតំបន់ត្រូពិចនិងពេញពិភពលោក។ ត្របែកក៏ជាដំណាំពាណិជ្ជកម្មផងដែរ។
១ អត្ថប្រយោជន៍ផ្លែត្របែកចំពោះសុខភាព
យោងទៅតាមការស្ទង់មតិថ្មីៗនេះវិទ្យាស្ថានជាតិអាហារូបត្ថម្ភដែលផ្ដល់មូនិធិដោយ ICMR បានធ្វើការសិក្សាលើផ្លែឈើស្រស់ចំនួន១៤មុខដែលប្រឆាំងនិងអុកស៊ីកម្ម។ ជាលទ្ធផលនៃការសិក្សានេះ គួរអោយភ្ញាក់ផ្អើលវាត្រូវបានរកឃើញថាផ្លែត្របែកមានកម្រិតអុកស៊ីកម្មខ្ពស់បំផុត បន្ទាប់មកផ្លែស្វាយ ផ្លែទទឹម និងផ្លែទាប(Custard Apple) សារធាតុប្រឆាំងអុកស៊ីកម្មការពារប្រឆាំងនឹងការខូចខាតកោសិកា ការពារភាពចាស់នៃស្បែក និងកាត់បន្ថយហានិភ័យជំងឺមហារីក ។
វិតាមីន C រួមជាមួយវិតាមីន AនិងE គឺជាសារធាតុប្រឆាំងអុកស៊ីកម្មដែលមានឥទ្ធិពល។ ផ្លែត្របែកមួយមានផ្ទុកវិតាមីន C 125mg ដែលលើសពីអ្វីដែលយើងត្រូវការដើម្បីពង្រឹងប្រព័ន្ធការពាររាងកាយ
ផ្លែត្របែកមានវិតាមីន C 5ដងច្រើនជាងផ្លែក្រូច។ ផ្លែត្របែកមានផ្ទុក 212mg ក្នុង 100gm។ចំណែកផ្លែក្រូចមានត្រឹមតែ 40mg ក្នុង 100gm ប៉ុណ្ណោះ។
ការសិក្សាខ្លះណែនាំថា ការទទួលទានទឹកផ្លែត្របែក ឬ ផ្លែត្របែកមានប្រយោជន៍ចំពោះសុខភាពសរសៃរឈាមបេះដូង និងសុខភាពឈាម។
បើសិនយើងទទួលទានជាទឹកផ្លែឈើ អាចជួយក្នុងការសម្រក់ទម្ងន់ ព្រោះវាមានកាឡូរីទាប ជាតិខ្លាញ់ទាប និង សម្បូរទៅដោយជាតិសរសៃរ។
ផ្លែត្របែកសម្បូរទៅដោយសារធាតុប្រឆាំងអុកស៊ីតកម្ម និងវីតាមីន ដែលជួយដល់សុខភាពនិងសម្រស់ស្រស់ស្អាត ។
ដោយសារតែផ្លែឈើមួយប្រភេទនេះសម្បូរទៅដោយវិតាមីន C កាល់ស្យូម និងសារជាតិ Pectins ផ្លែឈើត្រូវបានប្រើប្រាស់សម្រាប់ផលិតអាហារកែច្នៃដូចជា ចាហួយ jams ទឹកក្រឡុក ភេសជ្ជៈផ្លែឈើ ស្រាក្រឡុក ការ៉េម ទឹកដោះគោជូររសជាតិត្របែក …។
២ ផលិកម្មត្របែកតាមប្រទេស ២០២៣
អង្គការស្បៀងអាហារនិងកសិកម្មរបស់អង្កកាសហប្រជាជាតិ (FAO)រួមបញ្ជូលគ្នានូវចំនួនសរុបសម្រាប់ផ្លែត្របែក ស្វាយនិងមង្ឃុត..ទៅក្នុងរង្វាស់តែមួយដែលមានក្នុងតារាងខាងក្រោម៖(តម្លៃត្រូវបានបង្គត់ទៅជាតោនដែលនៅជិតបំផុត)
ប្រទេស ការផលិតផ្លែស្វាយ ត្របែក និងមង្ឃុត ឥណ្ឌា ២៤,៩៦៨,០០០ ចិន ៣,៧៩០,០០០ ឥណ្ឌូនេស៊ី ៣,៥៦១,៨៦៧ ប៉ាគីស្ថាន ២,៦៧៧,០១៧ មុិកសុិក ២,៤៤១,៤៩៦ ប្រេស៊ីល ២,០៥៧,៧៦៥ ម៉ាឡាវី(Malawi) ១,៦៩៦,១២១ ថៃ ១,៦៣៥,២៣៣ បង់ក្លាដែស ១,៤៥៨,៥៥៤ វៀតណាម ១,៤៣៩,២៧៣ កម្ពុជា ៦៤,៨៤១
៣ បច្ចេកទេសដាំត្របែក
៣.១ តម្រូវការដី
ត្របែកអាចដុះនៅលើដីដែលមានPH ចាប់ពី៤.៥ ដល់ ៨ .២ ។
៣.២ លក្ខខណ្ឌអាកាសធាតុ
ដើមឈើហូបផ្លែប្រភេទនេះអាចដុះនៅតំបន់ត្រូពិចនិងអនុត្រូពិច នៅកម្ពស់លើសពី១៥០០ម៉ែត្រ ដំណាំត្របែកធន់និងភាពរាំងស្ងួត។
៣.៣ ការរៀបចំដីនិងការដាក់ដាំ
ក្នុងរៀបចំដីយើងត្រូវភ្ជួររាស់ដី និងធ្វើការសម្អាតស្មៅអោយបានស្អាតល្អកុំអោយមាន សត្វល្អិតនិងជំងឺមកបំផ្លាញកូនដំណាំ។ត្រូវជីរណ្ដៅដែលមានទំហំ មួយម៉ែត្របួនជ្រុងនិងមានជម្រៅមួយម៉ែត្រ។ គម្លាតពីដើមមួយទៅដើមមួយមានប្រវែងប្រាំមួយម៉ែត្រ ប្រវែងចម្ងាយបែបនេះគឺដើម្បីអោយមានដង់ស៊ីតេខ្ពស់ដែលអាចអោយមានការរីកលូតលាស់នៃមែកធាង កម្ពស់និងទិន្នផលច្រើន។ នៅក្នុងរណ្ដៅអាចដាក់នូវជីអសរីរាង្គនិងសរីរាង្គ ជីលាមកសត្វ ផេះ និងកាក់សំណល់រុក្ខជាតិ។ ក្រោយដាំរួចត្រូវស្រោចទឹក។
៣.៤ ការស្រោចទឹក
ដើមត្របែកដែលទើបនិងដាំត្រូវស្រោចទឹកជារៀងរាស់ថ្ងៃសម្រាប់សប្ដាហ៍ដំបូង។បន្ទាប់មក១ទៅ២ដងក្នុងមួយសប្ដាហ៍សម្រាប់រយៈពេល២ខែដំបូង។ពេលរដូវវស្សាភ្លៀងញឹកញាប់គួរបន្ថយការស្រោចទឹក ឬបញ្ឃប់តែម្ដង ។ នៅពេលដែលដើមត្របែកពេញវ័យ និងចេញផ្កាគួរកំណត់ការស្រោចទឹកអោយបានត្រឹមត្រូវ។
៣.៥ ការដាក់ជីបំប៉ន់
ឆ្នាំ លាមកគោរលួយ(KG) UREA(GM) SSP(GM) MOP(GM) ១-៣ ១០-២០ ១៥០-២០០ ៥០០-១៥០០ ១០០-៤០០ ៤-៦ ២៥-៤០ ៣០០-៦០០ ១៥០០-២០០០ ៦០០-១០០០ ៧-10 ៤០-៥០ ៧៥០-១០០០ ២០០០-២៥០០ ១១០០-១៥០០ ១០ ៥០ ១០០០ ២៥០០ ១៥០០
៣.៦ការតាក់តែងមែក
កាត់មែកដែលចាស់(មិនផ្លែ) មែកសំយ៉ុងចុះក្រោម មែកមានជំងឺ …ចោល។ ការធ្វើរបៀបនេះដើម្បីអោយដើមមានសុខភាពល្អ ទទួលពន្លឺ ខ្យល់ គ្រប់គ្រាន់ ធ្វើអោយផ្លែឆាប់ធំ។និងឧស្សាហ៍កាត់ត្រួយត្របែកចេញដើម្បីអោយត្របែកដុះមែកថ្មីនិងអាចបន្ដចេញផ្កាផ្លែរហូត ដូចនេះដំណាំត្របែកអាចប្រមូលផលបានគ្រប់រដូវ។
៤ ការប្រមូលផល
ដាំដោយគ្រាប់រយៈពេលចាប់ពី ៤ទៅ៥ឆ្នាំអាចប្រមូលផលបណ្ដោៗ
ដាំដោយមែករយៈពេល៣ទៅ៦ខែអាចប្រមូលផលបាន
ឯកសារយោង
