វិធីដាំប្រទាលកន្ទុយក្រពើឱ្យមានប្រសិទ្ធភាពនៅផ្ទះ

ប្រទាលកន្ទុយក្រពើ គឺជារុក្ខជាតិពិសេសមួយប្រភេទដែលឃើញមនុស្សជាច្រើនចូលចិត្តដាំតាមផ្ទះដោយសារវាងាយដាំនិងមានអត្ថប្រយោជន៍ច្រើនផ្សេងទៀតដូចជា ជួយដល់សុខភាពផ្លូវចិត្ត ជួយព្យាបាលមុខរបួស ជួយបំបាត់ការរមាស់ ជួយដល់សុខភាពស្បែក បំបាត់ការរងប្រតិកម្មពីពន្លឺព្រះអាទិត្យអត្ថប្រយោជន៍ច្រើនទៀតរាប់មិនអស់។ ប្រទាលកន្ទុយក្រពើមិនត្រឹមតែមើលទៅស្អាតល្អគយគន់ប៉ុណ្ណោះទេអ្នកក៏អាចញ៉ាំវាផងដែរ។ យើងអាចដាំរុក្ខជាតិនេះបានទាំងក្នុងនិងក្រៅផ្ទះ។ ថ្ងៃនេះយើងនឹងបង្រៀនបងប្អូនពីរបៀបដាំប្រទាលកន្ទុយនិងមើលថែវាដោយផ្ទាល់។

វិធីដាំប្រទាលកន្ទុយក្រពើក្នុងផ្ទះនិងក្រៅផ្ទះ៖

1. នៅពេលជ្រើសរើសកន្លែងសម្រាប់ដាំប្រទាលកន្ទុយក្រពើរបស់អ្នកនៅខាងក្រៅ គួររកមើលដីកន្លែងណាដែលមានបង្ហូរទឹកល្អ ព្រោះវាជួយដល់ការលូតលាស់និងពេលរដូវភ្លៀងធ្លាក់ដីទាំងនេះនឹងស្រូបទឹកចូលធ្វើឱ្យអ្នកមិនចាំបាច់ស្រោចទឹកប្រទាលកន្ទុយក្រពើរបស់លោកអ្នក។ ឫពិធីមួយយ៉ាងទៀតដើម្បីឱ្យប្រទាលកន្ទុយក្រពើលូតលាស់មានសុខភាពល្អវាចាប់ផ្តើមពីជីវជាតិដី ការលាយដីខ្សាច់ និងដីដាំឱ្យស្មើគ្នា ឬទិញល្បាយ succulent mix គឺល្អបំផុតសម្រាប់ការលូតលាស់ប្រទាលកន្ទុយក្រពើរបស់អ្នក។
2. ត្រូវការប្រទាលកន្ទុយក្រពើដែលមានអាយុ 2 សបា្តហ៍មកដាំផ្សាំ តែត្រូវរងចាំ 15 ថ្ងៃសិនមុនយកទៅដាំក្នុងផើង
3. ជីកដីជម្រៅប្រមាណ4សង់ទីម៉ែត្រ
4. ការពារឫសនៅពេលដាក់ដាំក្នុងផើងកុំឱ្យស្លឹកប៉ះឫកប់ក្នុងដីជាមួយឫសព្រោះប្រសិនបើស្លឹកប្រទាលកន្ទុយក្រពើត្រូវបានកប់ ឬប៉ះដីវាអាចរលួយខាតបង់ការដាំដុះ។
5. ប្រទាលកន្ទុយក្រពើត្រូវដាក់នៅកន្លែងដែលមានពន្លឺថ្ងៃគ្រប់គ្រាន់មួយថ្ងៃ 8-10 ម៉ោង បើមិនដូច្នេះទេវានឹងមិនបន្តលូតលាស់ឡើយ។ ប្រសិនបើអ្នកមានពេលបន្ថែមរាងរាល់ថ្ងៃគួរយកប្រទាលកន្ទុយក្រពើរបស់អ្នកទៅខាងក្រៅដើម្បីស្រូបយកពន្លឺព្រះអាទិត្យ ប៉ុន្តែកុំដាក់វាឱ្យត្រូវពន្លឺព្រះអាទិត្យដោយផ្ទាល់ភ្លាមៗ
6. យើងមិនអាចចេះតែស្រោចទឹកប្រទាលកន្ទុយក្រពើរាងរាល់ថ្ងៃនោះទេពេលដែលដីក្នុងថូរប្រទាលកន្ទុយក្រពើស្ងួតនោះយើងអាចស្រោចទឹកបានរៀងរាល់ពីរសប្តាហ៍ម្តង។ ដោយសារប្រទាលកន្ទុយក្រពើជាប្រភេទរុក្ខជាតិវាលខ្សាច់ បើយើងមិនសម្អាតនិងថែរក្សាវាត្រឹមត្រូវទេវាអាចឆាប់ងាប់ណាស់។

វិធីនិងវេលាអាចប្រមូលផលយកទៅប្រើ៖

ប្រសិនបើការដាំដុះអនុវត្តទៅតាមនាណែនាំនុះប្រទាលកន្ទុយក្រពើរបស់អ្នកនិងដុះឡើងក្នុងរយៈពេលត្រឹមតែ 2-4 សប្តាហ៍ប៉ុណ្ណោះ។ ក៏ប៉ុន្តែអ្នកដឹងទេសម្រោប់ប្រទាលកន្ទុយក្រពើលូតលាស់ពេញលក្ខណៈរបស់វាត្រូវប្រើរយៈបេលច្រើនឆ្នាំប្រហែល 3-4 ឆ្នាំ។ ហើយអ្នកអាចកាត់ស្លឹកប្រទាលកន្ទុយក្រពើ(ជិតដើមតាមដែលអាចធ្វើទៅបាន) នៅពេលដែលអ្នកត្រូវការវា។