ប្រព័ន្ធផ្សព្វផ្សាយកសិកម្មលេខ១របស់កម្ពុជា
booked.net
booked.net
booked.net
booked.net

តើអ្វីទៅជាដំណាំបង្វិល?

កសិកម្ម

ដីជាកន្លែងមួយដែលមានផ្ទុកនូវសារធាតុចិញ្ចឹមហើយរុក្ខជាតិស្រូបយកសារធាតុចិញ្ចឹមទាំងនោះពីក្នុងដីដើម្បីធ្វើការលូតលាស់។ នៅពេលដែលយើងដាំដំណាំដដែលៗនៅលើដីដដែលធ្វើអោយរុក្ខជាតិស្រូបយកសារធាតុដដែលៗដូចគ្នាពេលនោះហើយដែលធ្វើអោយដីបាត់បង់នូវសារធាតុចិញ្ចឹមហើយដីចាប់ផ្ដើមចុះខ្សោយ។ហេតុដូចនេះទើបធ្វើអោយមានការដាំដំណាំបង្វិលលេចមុខមកដើម្បីជួយកែប្រែដីអោយមានជីជាតិល្អនិងប្រសើរឡើងវិញ។

តើអ្វីជាដំណាំបង្វិល?

  • ដំណាំបង្វិលគឺជាប្រព័ន្ធមួយនៅក្នុងផ្នែកកសិកម្មដែលជួយដល់ការដាំដុះបានល្អនិងផ្គត់ផ្គង់ទីផ្សារបានគ្រប់គ្រាន់។
  • ដំណាំបង្វិលគឺជាការអនុវត្តការដាំដុះឆ្លាស់ប្រភេទដំណាំខុសៗគ្នានៅលើដីតែមួយតាមរដូវកាលដាំដុះបន្ដបន្ទាប់គ្នា។

ការអនុវត្តដំណើរការដំណាំបង្វិល

យើងអាចអនុវត្តដំណាំបង្វិលទៅតាមរដូវកាលដាំដុះក្នុងនោះយើងអាចចែករុក្ខជាតិ៤ប្រភេទ :

  • ទីមួយ ប្រភេទ legumes ៖ មាន សណ្ដែកខៀវ សណ្ដែកដី សណ្ដែកសៀង សណ្ដែក សណ្ដែកគួ ចង្រ្កងស្វា…ជាដើម។យើងដឹងហើយថាវាមានសមត្ថភាពផ្ដល់អាសូតអោយទៅដល់ដីតាមរយៈការចាប់យកអាសូតពីបរិយាកាសមកផ្ទុកទុកនៅនិងកំពកឬសរបស់វា។នៅពេលវាងាប់ឬពុកផុយវានិងរក្សាទុកអាសូតនៅក្នុងដី ពោលគឺល្អសម្រាប់ដំណាំត្រូវការអាសូត។
  • ទីពីរ ប្រភេទយក Leaf ៖ មានស្ពែ ត្រកួន ស្ពែក្ដោប ខាត់ណា ស្ពែតឿ ពោត…ប្រភេទបន្លែស្លឹកទាំងនេះមានតម្រូវការអាសូតខ្ពស់ ដើម្បីលូតលាស់ស្លឹកដើមរបស់វា។
  • ទីបី ប្រភេទយកផ្លែ(Fruits) ៖ មានប៉េងបោះ ត្រសក់ ល្ពៅ ឥឡឹក…វាមានតម្រូវការផូស័្វរ(P)ខ្ពស់។ ផូស្វ័រជួយអោយរុក្ខជាតិចេញផ្កា និងបង្កើតជាផ្លែ។តាមពិតទៅបើរុក្ខជាតិប្រភេទនេះបានទទួល អាសូតច្រើនពេកវានឹងបង្កើតការលូតលាស់ស្លឹកលើសដោយពន្យាពេលចេញផ្កាផ្លែ។
  • ទីបួន ប្រភេទយក Roots ៖ មានការ៉ុត ឆៃថាវ ដំឡូង…ប្រើអាសូតតិចជាងដំណាំហូបផ្លែ និងមានតម្រូវការ ប៉ូតាស្យូម (K)ច្រើន។

គុណសម្បត្តិ

  • កើនឡើងនូវទិន្នផលដំណាំ
  • ការដាំដំណាំបង្វិលជួយសន្សំសំចៃលើជីអាសូត ពីព្រោះរុក្ខជាតិ Legumies ដែលបានដាំដុះអំឡុងពេលបង្វិលដំណាំចាប់យកអាសូតពីបរិយាកាស
  • កាត់បន្ថយនូវកត្ដាចង្រៃ ដូចជាសត្វល្អិត ជំងឺ ស្មៅចង្រៃជាដើម
  • ធ្វើអោយប្រសើរឡើងនូវរចនាសម្ព័ន្ធរបស់ដី
  • កាត់បន្ថយការហូរច្រោះ
  • រុក្ខជាតិប្រើប្រាស់សារធាតុចិញ្ចឹមគ្រប់គ្រាន់
  • ការប្រើប្រាស់ទឹកប្រកបដោយប្រសិទ្ធភាព។

គុណវិបត្តិ

  • ទាមទារចំណេះដឹង/និងជំនាញ
  • ត្រូវការឧបករណ៍បន្ថែម
  • ពេលខ្លះប្រាក់ចំណូលទាប។

ឯកសារយោង

Writer
Contact
Recommend
Seach