មើលម៉េចទើបដឹងថាជីកំប៉ុស្ត៍មានគុណភាព?

បងប្អូនកសិករយើងមួយចំនួនប្រើប្រាស់ជីគីមីនិងមួយចំនួនទៀតប្រើប្រាស់ជីកំប៉ុសនោះគឺវាអាស្រ័យទៅលើទំហំចម្ការនិងជម្រើសរបស់ពួកគាត់។ ជីគីមីនិងនិងជីកំប៉ុសគឺសុទ្ធតែមានគុណសម្បត្តិនិងគុណវិបត្តិរៀងៗខ្លួន ដោយឡែកនៅក្នុងអត្ថបទនេះគឺយើងផ្តោតសំខាន់ទៅលើថាតើយើងមើលដឹងថាជីកំប៉ុសនោះមានគុណភាពដោយរបៀបណា? 

ដូចដែលទាំងអស់គ្នាបានដឹងជីកំប៉ុសគឺជាជីដែលយើងធ្វើដោយខ្លួនឯងឬដោយដៃផ្ទាល់ហើយជីកំប៉ុសនេះទៀតសោតគឺយើងអាចយកពីកាកសំណល់ផ្ទះបាយ សំណល់សួនច្បារនិងសំណល់កសិកម្មនិងរុក្ខជាតិបៃតងផ្សេងៗទៀត ព្រមទាំងសំណល់នៅក្នុងទីផ្សារផងដែរ។

ទាំងនេះគឺជាសញ្ញាសំគាល់ថាជីកំប៉ុសទាំងអស់គ្នាមានគុណភាព៖

• ជីកំប៉ុសមានពណ៌ត្នោត
• មានក្លិនអំពុកឬដីមិនស្អុយ
• មានសីតុណ្ហភាពប្រហាក់ប្រហែលបរិយាកាសខាងក្រៅ
• បើមានសត្វតូចៗនៅក្នុវជីកំប៉ុសកាន់តែច្រើនកាន់តែប្រសើរ

យោងទៅតាមគោលកាណ៌ណែនាំរបស់ក្រសួងបរិស្ថានក្នុងការផលិតជីកំប៉ុសត្រូវមានគុណភាពដូចខាងក្រោម៖

• មិនត្រូវមានឬសស្មៅ ឬគ្រាប់រុក្ខជាតិដែលអាចដុះបាននៅជុំវិញបានក្នុងជីកំប៉ុសទេ
• មិនមានសមាសធាតុព្រៃដូចជា ប្លាស្ទិក កៅស៊ូ លោហៈ កែវ ថូ។ល។ក្នុងករណីមានសមាសធាតុព្រៃខាងលើ(លើកលែងថ្ម) ទំហំវាមិនអាចអោយធំជាង២មម និងមិមឱ្យលើស១,៥ភាគរយនៃទម្ងន់សរុបរបស់ជីកំប៉ុសស្ងួតទេ។វត្តមានថ្មក៏មិនឱ្យធំជាង៥មម និងមិនឱ្យលើស៥ភាគរយនៃទម្ងន់សរុបជីកំប៉ុសស្ងួតដែរ។
• ជាតិទឹកនៅក្នុងជីកំប៉ុសមិនត្រូវមានទម្ងន់លើសពី ៤៥ភាគរយ នៃជីកំប៉ុសស្ងួត
• តំលៃ PH ស្ថិតនៅជុំវិញ៧
• មានសមាសធាតុសរីរាង្គ និងសារធាតុចិញ្ចឹមផ្សេងៗទៀតនៅក្នុងជីកំប៉ុសដូចជាអាហ្សូត ផូស្វាត ប៉ូតាស្យូម។

ទាំងនេះជាសញ្ញាដែលយើងអាចមើលបានថាតើជីកំប៉ុសដែលយើងធ្វើនោះមានគុណភាពបានដល់កម្រិតណា។

ឯកសារយោង:

• https://www.comped-cam.org/Documents/compost