តោះមកដឹងពីរដូវប្រមូលផលរបស់ផ្លែឈើមួយចំនួននេះ

ដំណាំឈើហូបមួយចំនួនមានដូចជា ទុរេន សាវម៉ៅ មង្ឃុត ប័រ មៀន និងស្វាយ នឹងចាប់ផ្ដើមលាស់ត្រួយចេញផ្កាបណ្ដាក់គ្នាពីដើមឆ្នាំ ព្រោះជារដូវរបស់វា។ រហូតមកដល់ខែមេសា-ឧសភា ដំណាំទាំងនោះ ចេញផ្លែ ហើយកសិករនឹងប្រមូលផល។ ដោយឡែក ចំពោះដំណាំចេក និងខ្នុរ ជាផ្លែឈើខួបរដូវ ដែលចេញផ្លែផ្កាពេញមួយឆ្នាំ។ ដំណាំឈើហូបផ្លែសឹងគ្រប់ប្រភេទហើយ ដែលកាក់កបចេញផ្លែនៅពេលហ្នឹង។ ហើយផ្លែឈើទាំងហ្នឹង ប្រើពេលចន្លោះពី៣-៤ខែ ដើម្បីប្រមូលផលគិតចាប់ពីពេលចេញផ្លែរហូតដល់ទុំ។​

បើកសិករមានបច្ចេកទេសដាំដុះច្បាស់លាស់ ពួកគេអាចបង្កបង្កើនផលផ្លែឈើទាំងនោះបណ្ដាក់ៗគ្នា ប្រមូលផលបានរយៈពេលវែង។ ទោះបីជាដំណាំទាំងអស់នេះ ហុចផលស្របពេលជាមួយគ្នាក្ដី ប៉ុន្តែនៅតែមានទីផ្សារ និងតម្លៃខ្ពស់។ ជាក់ស្តែងដូចជា ទុរេន សាវម៉ៅ មង្ឃុតនិងផ្លែប័រ របស់កសិករខ្មែរមិនទាន់អាចផ្គត់ផ្គង់តម្រូវការទីផ្សារក្នុងស្រុកបានគ្រប់គ្រាន់ឡើយនៅតែមាននាំចូលពីបរទេស។

​តំបន់ដីទួល ដែលមិនលិចទឹក ដាំដុះដំណាំឈើហូបផ្លែហ្នឹងល្អបំផុតដោយក្នុងហ្នឹងមានខេត្តបាត់ដំបង សៀមរាប ព្រះវិហារ ពោធិ៍សាត់កំពង់ចាម ត្បូងឃ្មុំ រតនគិរី មណ្ឌលគិរី និងកំពតជាដើម។ ទន្ទឹមនឹងនេះខេត្តព្រៃវែង ស្វាយរៀង កំពង់ឆ្នាំង កំពង់ធំ ជាតំបន់ទំនាបកាក់កបនឹងដំណាំស្រូវ និងការដាំដុះបន្លែជាដើម។ 

ទុរេន មានសក្តានុពលក្នុងខេត្តកំពត កំពង់ចាម ត្បូងឃ្មុំ និងបាត់ដំបង។ ចំណែកឯ សាវម៉ៅ និងមង្ឃុត មានសក្តានុពលក្នុងខេត្តកំពត កោះកុងកំពង់ចាម និងត្បូងឃ្មុំ។ រីឯ ផ្លែប័រ មានសក្ដានុពលបំផុតនៅខេត្តមណ្ឌលគិរី។ ចំពោះផ្លែចេក និងស្វាយ ជាដំណាំនាំចេញ ហើយមានសក្ដានុពេលបំផុត នៅខេត្តកំពង់ចាម កំពត ព្រះវិហារ កំពង់ស្ពឺ កោះកុងកណ្ដាល មណ្ឌលគិរី និងរតនគិរី។ ចំណែកឯ ប៉ៃលិន ព្រះវិហារ កំពង់ចាមកណ្ដាល កំពង់ស្ពឺ និងត្បូងឃ្មុំ មានសក្ដានុពលលើដំណាំមៀន និងខ្នុរ។

តោះមកមើលពីរដូវនៅក្នុងការប្រមូលផលរបស់ផ្លែឈើដូចជា៖

ឯកសារយោង

• https://thmeythmey.com
• https://ptes.org/campaigns/traditional-orchard-project/orchard-year-planner/
• https://stoutoakfarm.com/csa/csa-harvest-calendar
• https://www.zipmec.com/en/asia-seasons-for-fruits-and-vegetables