កំណត់សម្គាល់ ការកង្វះ, លើសសារធាតុចិញ្ចឹម និងស្រទាប់ដីសម្រាប់ការលូតលាស់ឫសរបស់រុក្ខជាតិ

2023-06-21 កសិកម្ម

ជាទូទៅសារធាតុចិញ្ចឹមដែលរុក្ខជាតិត្រូវការ ក្នុងនោះត្រូវបានគេរកឃើញចំនួន ១៦ធាតុសំខាន់ៗ និងបានធ្វើការបែងចែកជាពីរក្រុមរួមមាន ម៉ាក្រូធាតុចំនួន៩ជាធាតុដែលរុក្ខជាតិត្រូវការក្នុងបរិមាណច្រើន និងមីក្រូធាតុមានចំនួន ៧ ជាធាតុដែលរុក្ខជាតិត្រូវការក្នុងបរិមាណតិច។ ក្រៅពី ១៦ធាតុសំខានៗខាងលើនេះ គេក៏បានរកឃើញសារធាតុចិញ្ចឹមចំនួន៥ ប៉ុន្ដែសម្រាប់តែរុក្ខជាតិមួយចំនួនតូចប៉ុណ្ណោះដែលត្រូវការវា។ សារធាតុចិញ្ចឹមទាំង ៥ នោះរួមមាន ស៊ីលីស្យូម (Si), សេឡិននីញ៉ូម (Sn), កូបាល់ (Co), អាលុយមីញ៉ូម (Al) និងសូដ្យូម (Na) ។

ឈ្មោះធាតុគីមី	និមិត្តសញ្ញាគីមី	ទម្រង់ដែលរុក្ខជាតិអាចស្រូបបាន
ម៉ាក្រូធាតុទាំង៩
កាបូន	C	CO₂
អ៉ីដ្រូសែន	H	H₂O
អុកស៊ីសែន	O	O₂, CO₂
អាសូត	N	NH₄⁺, NO₃^–
ផូស្វ័រ	P	PHO₄^– , H₂PO₃^–
ប៉ូតាស្យូម	K	K⁺
មាញ៉េស្យូម	Mg	Mg⁺⁺
ស្ពាន់ធ័រ	S	SO₄^–
កាល់ស្យូម	Ca	Ca⁺⁺
មីក្រូធាតុទាំង៧
ស័ង្កសី	Zn	Zn⁺⁺
ដែក	Fe	Fe⁺⁺ , Fe⁺⁺⁺
ម៉ង់កាណែស	Mn	Mn⁺⁺
ក្លរ	Cl	Cl^–
ទង់ដែង	Cu	Cu⁺⁺
ប័រ	B	BO₃^-3 , BO₃^-2
ម៉ូលីបដែន	Mo, Mb	MoO₄^-2

តារាងនៃសារធាតុចិញ្ចឹមទាំង ១៦ ធាតុ និងទម្រង់ដែលរុក្ខជាតិអាចស្រូបយកបាន

ការសម្គាល់មើលលើរុក្ខជាតិខ្វះ និងលើសសារធាតុចិញ្ចឹម

ម៉ាក្រូធាតុ

អាសូត(N)៖ មាននៅក្នុងឫស ដើម និងស្លឹករុក្ខជាតិ។ សញ្ញាកង្វះអាសូតស្លឹមមានពណ៌លឿង ហើយស្លឹកផ្នែកខាងក្រោមធ្លាក់ចុះវាកើតនៅលើស្លឹកចាស់មុន។ ម្យ៉ាងទៀតវាក៏ពន្យាពេលចេញផ្កា បើសិនជាផ្ការួចវាធ្វើឲ្យផ្លែមានគ្រាប់តូច។ ចំពោះការលើសអាសូតវិញស្លឹកមានពណ៌បៃតងចាស់។

https://www.plantsdiseases.com/p/nitrogen-deficiency-in-plants.html

ផូស្វ័រ(P)៖ មានក្នុងរុក្ខជាតិ ផេះ លាមកសត្វ ប្រចៀវ និងក្នុងកាកសណ្ដែក ហើយវាជួយដល់ការលូតលាស់នៃដើម ឫស និងផ្កា។ ចំពោះការកង្វះផូស្វ័រធ្វើឲ្យការលូតលាស់យឺត ស្លឹកពណ៌បៃតងចាស់ ពេលខ្លះផ្លែ ទងស្លឹក និងស្លឹកធ្លាក់ចុះ ហើយស្លឹកនៅផ្នែកខាងក្រោមចាប់ផ្ដើមងាប់។ ម្យ៉ាងទៀតដើមអាចប្រែជាពណ៌ស្វាយ។ សម្រាប់ការលើសផូស្វ័រគឺស្លឹក ត្រួយប្រែពណ៌លឿង ខ្លោចចុងស្លឹក ទងស្លឹកធ្លាក់ចុះ។

ប៉ូតាស្យូម(K)៖ មានក្នុងឆ្អឹង ផេះអង្កាម ផេះឈើ សំបកផ្លៃគ អំពុកដើមចេក ជញ្ជ្រាំងស្រូវ និង កាកសំណល់ផ្ទះបាយ។ វាក៏មានតួនាទីជួយដល់ការធន់នឹងជំងឺ ផ្លែ មើម បង្កើនការលូតលាស់ស្លឹកថ្មី និងឫសទីពីរ។ រោគសញ្ញាកង្វះផូស្វ័រគឺចុងស្លឹកខ្លោច និងគែមស្លឹកមានពណ៌ស្រអាប់ ចន្លោះថ្នាំងឈប់លូតលាស់ ក្រិន បន្ថយភាពធន់នឹងជំងឺ សត្វល្អិត។

ស្ពាន់ធ័រ(S)៖ មានតួនាទីចូលរួមក្នុងការបង្កើតឫស ក្លរ៉ូភីល ការបង្កើតផ្លែ។ នៅពេលខ្វះស្ពាន់ធ័រធ្វើឲ្យស្លឹកតូច ពណ៌បៃតងខ្ចី គែមស្លឹក និងចុងស្លឹករមួលចូលគ្នា ហើយឆាប់ជ្រុះស្លឹក ។ រីឯការលើសវិញបង្កើតឲ្យមានពកឫសច្រើន។

កាល់ស្យូម(Ca)៖ នៅពេលដែលកង្វះកាល់ស្យូមក្លរ៉ូស៊ីស(Chlorosis) កើតមាននៅជិតគែមស្លឹកខ្ចី ថយចុះនៃការលូតលាស់ចុងឫស និងការបង្កើតគ្រាប់ថយចុះ។

ម៉ាញ៉េស្យូម(Mg)៖ ជាធាតុបង្កើតពណ៌បៃតង និងជួយដល់ដំណកដង្ហើមរុក្ខជាតិ។ នៅពេលខ្វះម៉ាញ៉េស្យូមធ្វើឲ្យក្លរ៉ូស៊ីស(Chlorosis)ស្លឹកពណ៌លឿងចាប់ពីគល់ដល់ចុង។

កាបូន អ៊ីដ្រូសែន និងអុកស៊ីសែន៖ ជាធាតុអខនិជមានក្នុងខ្យល់ និងទឹក ហើយចូលរួមក្នុងប្រតិកម្មរស្មីសំយោគ។

មីក្រូធាតុ

ដែក(Fe)៖ នៅពេលដែលកង្វះដែកធ្វើឲ្យផ្ទៃស្លឹកប្រែពណ៌លឿងដេញចាប់ពីទងស្លឹកទៅដល់ចុងស្លឹក ហើយស្លឹកដែលនៅផ្នែកខាងក្រោមចាប់ផ្ដើមធ្លាក់ចុះ និងការលូតលាស់យឺត។

ម៉ង់កាណែស(Mn)៖ រោគសញ្ញាកង្វះម៉ង់កាណែសធ្វើឲ្យផ្ទៃស្លឹកមានចំណុចពណ៌ត្នោត និងប្រផេះ តែភាគច្រើនមាននៅលើដីអាល់កាឡាំង។

ប័រ(B)៖ នៅពេលដែលកង្វះប័រធ្វើឲ្យផ្នែកចុងស្លឹក និងដើមងាប់ ហើយឫសក្រិន និងក្រាស់។ ម្យ៉ាងទៀតធ្វើឲ្យប្លូអែមអសកម្មបង្កឲ្យស្លឹកមានពណ៌ស្វាយ។

ទង់ដែង(Cu)៖ ជួយផលិតអុកស៊ីសែនក្នុងដំណើររស្មីសំយោគ។ នៅពេលដែលខ្វះទង់ដែងចុងស្លឹកខ្ចីៗមានជំងឺលឿង ហើយមានចំណុចពណ៌ត្នោត ស្លឹកមានឆ្នូតពណ៌ប្រផេះ និងមានជំងឺDie back ។

ស័ង្កសី(Zn)៖ រោគសញ្ញាកង្វះស័ង្កសីបង្កើតឲ្យមានជំងឺរួញចុងស្លឹក ចុង និងគែមស្លឹកមានពណ៌លឿង ហើយមែកកើតជំងឺDie back ផ្លែមានទំហំតូច ឫសដុះលូតលាស់ខុសប្រក្រតី និងសរីរាង្គលូតលាស់យឺត ម្យ៉ាងទៀតស្លឹកខ្ចីកើតជំងឺChlorosis ។