ដំឡូងជ្វាគឺជាបន្លែដែលសម្បូរជីវជាតិដែលគេនិយមចូលចិត្តបរិភោគនៅជុំវិញពិភពលោក។ ដំឡូងជ្វាមានសាច់ពណ៌ទឹកក្រូចដែលផ្ទុកទៅដោយវីតាមីនជាច្រើនហើយវាមានសារធាតុប្រឆាំងអុកស៊ីតកម្ម និងជាតិសរសៃច្រើន។ ដំឡូងជ្វាគឺជាប្រភពដ៏ល្អនៃកាបូអ៉ីដ្រាត ដែលផ្តល់ថាមពលដល់រាងកាយ ហើយក៏មានជាតិខ្លាញ់ និងកាឡូរីទាបផងដែរ។
យើងអាចយកវាទៅចម្អិនដោយវិធីផ្សេងៗដូចជា៖ អាំង ស្ងោរ កិន ចៀន ឬធ្វើជាបង្អែម។ នេះធ្វើឱ្យវាក្លាយជាជម្រើសដ៏ល្អសម្រាប់អ្នកដែលចង់ញ៊ាំអាហារដែលល្អសម្រាប់សុខភាពជាពិសេសអ្នកដែលចង់សម្រកទម្ងន់ឬរក្សាទម្ងន់បែបធម្មជាតិ។ ដំឡូងជ្វាក៏មានភាពងាយស្រួលក្នុងការដាំដុះនៅក្នុងសួនច្បារដែលធ្វើឱ្យវាជាជម្រើសដ៏ពេញនិយមសម្រាប់អ្នកដែលចូចិត្តបង្កើតសួនច្បារនៅផ្ទះខ្លួនឯងដើម្បីដាំដំណាំ បន្លែ ផ្លែឈើជាដើម។ តោះមកដឹងពីវិធីដាំដុះដំឡូងជ្វានេះព្រមទាំងការថែទាំវាទាំងអស់គ្នា:
ជំហានក្នុងការដាំដុះដំឡូង៖
- ជ្រើសរើសតំបន់ដីដែលមានទឹករត់កាត់បានល្អនិងតំបន់ដែលមិនសូវសម្បូរមានស្មៅ។ ត្រូវជ្រើសរើសតំបន់ដែលដីមាន pH ពី 5.0 ទៅ 6.5 ។ បន្ទាប់មកដើម្បីឱ្យការដាំដំឡូងកាន់តែជោគជ័យ និងដើម្បីឲ្យដីមានជីវជាតិ អ្នកគួររៀបចំឱ្យបានល្អមុននឹងសាបដីត្រូវភ្ជួរ៣ទៅ៤ដងជាមុនសិន។
- ដំឡូងជ្វាជាប្រភេទដំណាំដែលត្រួវការពន្លឺនិងកម្តៅព្រះអាទិត្យខ្លាំងដូចនេះហើយអ្នកគួរដាំនៅរដូវប្រាំង។ អាកាសធាតុនៅប្រទេសកម្ពុជាមានអំណោយផលណាស់សម្រាប់ដាំដុះដំណាំនេះ
- ត្រូវបង្កើតពំនូកដែលមានកំពស់ប្រមាណពី 15 ទៅ 20 cm និងទទឹងប្រហែល 30 cm។ រៀបគម្លាតឱ្យបានប្រហែល 7 cm រវាងពំនូកនីមួយៗដើម្បីឱ្យវាមានចន្លោះសម្រាប់លូតលាស់បានល្អ
- យកកូនពូជដំឡូងមកដាន់ដាំដោយដាក់វាចូលក្នុងពំនូកនីមួយៗ ជម្រៅ 10-15cm ទុកចន្លោះពី 30-40 cmរវាងដើមនីមួយៗ។ ស្រោចទឹកស្លឹកឈើភ្លាមៗបន្ទាប់ពីដាំ។
- បន្ទាប់ពីដាំបាន2 សប្តាហ៍ត្រូវកាយស្មៅឱ្យបានទៀងទាត់ប៉ុន្តែត្រូវមានការប្រុងប្រយ័ត្នខ្ពស់មិនគួរកាយឬជីករហូតដល់ប៉ះពាល់ដល់ឬសទេ
ការថែទាំដំណាំ៖
- ប្រភេទដំឡូងនេះត្រូវការជាតិទឹកនិងសំណើមច្រើនគួរសមដែរដូចនេះអ្នកគួរស្រោចទឹកឱ្យបានទៀងទាត់ ជាពិសេសក្នុងអំឡុងពេលពាក់កណ្តាលរដូវក្តៅ។ ការស្រោចទឹកទៀងទាត់នឹងជួយបង្កើនទិន្នផល។ ។
- ត្រូវដាក់ជីរៀងរាល់4 ទៅ 6 សប្តាហ៍។ ប្រើវិធី 10-10-10 (ការលាយជីប្រើបរិមាណស្មើគ្នា៖ អាសូត ផូស្វ័រ និងប៉ូតាស្យូម) ។
- ត្រួតពិនិត្យឱ្យបានទៀងទាត់ព្រោះអាចមានស្មៅដុះមករញ៉េរញៃរំខានដល់ការលូតលាស់របស់ដំណាំដោយសារពពួកស្មៅវាចូលចិត្តស្រូបយកសារធាតុចិញ្ចឹម និងទឹក។ រក្សាតំបន់ជុំវិញរុក្ខជាតិកុំឱ្យមានស្មៅដោយដកឬទាញចេញដោយដៃ ឬដោយប្រើចបកាប់។ មិនគួរប្រើថ្នាំសម្លាប់ស្មៅព្រោះដំឡូងនឹងរងប្រតិកម្ម។
អ្នកអាចនិង ប្រមូលផលដំឡូងក្នុងរយៈពេលប្រហែលបាន 100 ថ្ងៃចាប់ពីពេលឬនៅពេលដែលស្លឹក និងចុងនៃវល្លិចាប់ផ្តើមប្រែពណ៌លឿង។ ជីកមើមដោយសមសួនដោយប្រុងប្រយ័ត្ន ដោយប្រយ័ត្នកុំឱ្យវាខូច។ ដំឡូងជ្វាជារុក្ខជាតិមួយប្រភេទដែលអ្នកងាយលូតលាស់ និងប្រមូលផលបានលឿន។ Admin សង្ឃឹមថាព័ត៌មានដែលបានផ្ដល់ជូនខាងលើអាចជួយអ្នកទាំងអស់គ្នាបានរៀនពីរបៀបដាំដំឡូងជ្វាដោយខ្លួនឯងនៅផ្ទះ។
ឯកសារយោង: Sweet Potatoes: How to Plant, Grow, and Harvest Sweet Potatoes | The Old Farmer’s Almanac, Sweet Potato Farming | Apni Kheti, How to grow Sweet Potatoes | RHS Vegetables
