តើការដាំដុះដោយប្រើគ្រាប់ពូជនិងការកាត់តបណ្តុះមួយណាល្អជាង?

ការដាំដុះគឺយើងមានវិធីច្រើនហើយពីរក្នុងចំណោមនោះគឺដាំដុះដោយប្រើប្រាស់គ្រាប់ពូជនិងមួយទៀតគឺកាត់តបណ្តុះ។ តាមពិតទៅវិធីទាំងពីរនេះគឺសុទ្ធតែមានគុណសម្បត្តិនិងគុណវិបត្តិរៀងៗខ្លួន 

គុណសម្បត្តិប្រើប្រាស់គ្រាប់ពូជសម្រាប់ដាំដុះ

• ចំណាយលុយតិច
• ដើមដែលដុះដោយគ្រាប់ពូជគឺរស់បានយូរ មានផ្លែច្រើន
• ទទួលបានប្រសិទ្ធភាពខ្ពស់
• បន្លែមួយចំនួនគឺមិនអាចប្រើប្រាស់វិធីកាត់តបណ្តុះបានទេក្រៅពីដាំដោយគ្រាប់ពូជ
• ពេលត្រូវការបង្កាត់ពូជថ្មីណាមួយ ចាំបាច់ត្រូវប្រើគ្រាប់ពូជទៅលាយឬបង្កាត់ វាជាវិធីសាស្ត្រដែលចាំបាច់
• ការដាំដោយគ្រាប់ពូជគឺវាអាចចាក់ឬសបានជ្រៅដូច្នេះវាគឺអាចស្រូបយកជីវជាតិបានច្រើនដូច្នេះវានឹងដុះលូតលាស់បានច្រើនហើយល្អ

គុណវិបត្តិប្រើប្រាស់គ្រាប់ពូជសម្រាប់ដាំដុះ

• ចង់ដាំដោយប្រើប្រាស់គ្រាប់ពូជគឺត្រូវតែធ្វើឱ្យដំណាំនោះដុះចេញជាពន្លកជាមុនសិន វាគឺធ្វើឱ្យប៉ះពាល់ដល់រយៈពេលដែលផ្លែឈើហុចផ្លែ
• គ្រាប់ពូជខ្លះគឺមិនដុះនោះទេ
• ប្រសិនបើរក្សាគ្រាប់ពូជនោះមិនបានល្អ ឬគ្រាប់ពូជចាស់នោះវានឹងដុះលូតលាស់យឺត

គុណសម្បត្តិនៃការដាំដុះដោយកាត់តបណ្តុះ

• ហុចផលឱ្យលឿន
• អ្នកនឹងប្រាកដថាការកាត់តនេះគឺចេញមកពីរុក្ខជាតិញី
• ការកាត់តបណ្តុះនេះគឺត្រូវកាត់តចេញពីរុក្ខជាតិញីទើបវាលូតលាស់

គុណវិបត្តិនៃការដាំដុះដោយកាត់តបណ្តុះ

• របៀបកាត់តបណ្តុះនេះគឺមានភាពស្មុគស្មាញ ដូច្នេះបើអ្នកមិនដឹងពីរបៀបកាត់ចេញពីរុក្ខជាតិញីទេវាអាចនឹងមិនដុះលូតលាស់ទេ។
• អាចមានការឆ្លងជំងឺនិងសត្វល្អិត

សរុបមកការដាំដុះដោយវិធីទាំងពីរសុទ្ធតែមានគុណសម្បត្តិនិងគុណវិបត្តិដូចគ្នា វាគឺអាស្រ័យទៅលើស្ថានភាពចំការរបស់បងប្អូនថាតើសាកសមនឹងគួរជ្រើសរើសការដាំដុះមួយណាជាង។