បច្ចេកវិទ្យាសិប្បនិមិត្តក្នុងការដាំដុះដំណាំ គឺសំដៅទៅលើការដាំរុក្ខជាតិដោយប្រើប្រាស់អំពូល LEDs និងសីតុណ្ហភាពដែលកំណត់ដោយម៉ាសុីនត្រជាក់។ គេអាចប្រើអំពូលLEDsសម្រាប់ដាំដំណាំបានជាច្រើនប្រភេទ ដូចជាដំណាំដែលត្រូវការពន្លឺថ្ងៃវែងជាងយប់មានស្រកានាគ និងរុក្ខជាតិយកស្លឹកផ្សេងៗ។ ម្យ៉ាងទៀតនៅក្នុងអត្ថបទនេះបានលើកឡើងអំពីការដាំដំណាំលើទឹក នៅក្នុងបន្ទប់បិទជិតដែលត្រូវការអំពូល និងសីតុណ្ហភាពពីម៉ាសុីនត្រជាក់។ ត្បិតតែការដាំបែបនេះវាបានចំណាយថវិកាយ៉ាងច្រើនក៏ដោយតែវាក៏មានគុណសម្បត្តិសម្រាប់រុក្ខជាតិដែរដូចជាមិនប្រើប្រាស់នូវប្រភេទថ្នាំសត្វល្អិត និងជំងឺសម្រាប់រុក្ខជាតិ។

គុណសម្បត្តិ

• រុក្ខជាតិអាចលូតលាស់បានលឿនជាងរុក្ខជាតិខាងក្រៅ ២.៥ដង
• ដំណាំអាចបាត់បែនបានគ្រប់កាលៈទេសៈទៅតាមតម្រូវការលក្ខខណ្ឌអាកាសធាតុរបស់រុក្ខជាតិ
• គេអាចដាំបាននៅគ្រប់ទីកន្លែងដូចជា៖ បន្ទប់បិទជិត បន្ទប់ក្រោមដី ធុងជាដើម
• មានតម្រូវការខ្ពស់សម្រាប់ភោជនីយដ្ឋានទំនើបៗ
• បន្លែមានតម្លៃខ្ពស់
• ជាបន្លែដែលមានគុណភាពល្អ និងសុវត្ថភាព។

លក្ខខណ្ឌក្សេត្របរិស្ថាន

• ពន្លឺ៖ សម្រាប់រុក្ខជាតិដែលដាំនៅក្នុងបន្ទប់បិទជិតតម្រូវការពន្លឺរបស់វាចន្លោះ ១០-១៨ម៉ោង/ថ្ងៃ ទៅតាមប្រភេទនៃដំណាំ ដើម្បីបង្កើតវដ្ដថ្ងៃ និងយប់សម្រាប់ការធ្វើរស្មីសំយោគ។ ចំពោះការបំភ្លឺនេះគេអាចប្រើប្រាស់ជាប្រភេទអំពូល LEDs ដោយប្រើអាំងតង់សុីតេអប្បបរមា ៣០០០lm មានន័យថាទំហំផ្ទៃក្រឡា ១ម៉ែត្រការេ ត្រូវប្រើអំពូល ៥ និងទំហំ ១៨w ។
• សីតុណ្ហភាព៖ សម្រាប់សីតុណ្ហភាពតម្រូវការចន្លោះ ១៨-២៧ អង្សាសេ និងមានសំណើមពី ៤០-៦០%។

ការប្រើប្រាស់ពន្លឺ

• ពន្លឺពណ៌ក្រហម៖ ជាពណ៌ដែលបំភ្លឺនៅក្នុងដំណាក់កាលលូតលាស់ រលកពន្លឺចន្លោះ ៧០០-៨០០nmទៅតាមប្រភេទបន្លែផ្សេងៗប៉ុន្តែវាក៏អាចមានរលកពន្លឺទាបជាងនេះផងដែរ។ ម្យ៉ាងទៀតរលកពន្លឺខ្ពស់ឬឆ្ងាយបានន័យថាវាអាចជួយជំរុញទៅដល់ការលូតលាស់នៃស្លឹកដែលធ្វើឲ្យវាកាន់តែធំ នៅពេលនោះការលូតលាស់កាន់តែលឿន។
• ពន្លឺពណ៌ខៀវ៖ ជំរុញទៅដល់សុខភាពរបស់ដំណាំដែលធ្វើឲ្យរុក្ខជាតិកាន់តែរឹងមាំជាងមុន ដោយមានរលកពន្លឺចន្លោះ ៥០០-៦០០nm។(ជាពន្លឺដែលល្អជាងគេ)
• ពន្លឺ Violet៖ ប្រើប្រាស់នៅក្នុងដំណាក់កាលសាបគ្រាប់ ឬ ដំណាក់កាលដំបូងនៃការបណ្ដុះគ្រាប់ដែលឋិតក្នុងកំឡុងពេលវាអភិវឌ្ឍន៍ទៅជាឫស និងពន្លក(មានរលកពន្លឺចន្លោះ ៤០០-៥០០nm) ។

ដំណាំដែលអាចដាំបានលើទឹក(Hydroponic)

សាឡាត់៖ ជារុក្ខជាតិដែលមានឫសខ្លី ដែលប្រើរយៈពេលលូតលាស់ប្រហែល ៣០ថ្ងៃ និងមានតម្រូវការ pH (កម្រិតអាសុីត) ៦.០-៧.០។

ប៉េងប៉ោះ៖ ជាប្រភេទដំណាំដែលត្រូវការពន្លឺខ្ពស់ និងតម្រូវការកម្រិតអាសុីតក្នុងទឹក pH ៥.៥-៦.៥ ។

• ត្រសក់៖ ជារុក្ខជាតិប្រភេទវល្លិ៍ដែលមានតម្រូវការអាសុីត pH ៥.៥-៦.០ ។

• ម្ទេសប្លោក៖ វាស្រដៀងទៅនឹងប៉េងប៉ោះដែរ ហើយវាប្រើរយៈពេលលូតលាស់ចំនួន ៩០ថ្ងៃ និងត្រូវការពន្លឺភ្លឺ ១៨ម៉ោងក្នុងមួយថ្ងៃ(ដោយឡែកតម្រូវការកម្រិតអាសុីតក្នុងទឹកគឺចន្លោះ ៦.០-៦.៥) ។

ខ្ទឹមយកស្លឹក៖ មានតម្រូវការ pH ៦.០ និងត្រូវការពន្លឺខ្លាំង។ ចំណែករយៈពេលប្រមូលផលចន្លោះ ៣-៤សប្ដាហ៍។

• ស្ដុបបឺរី ៖ តម្រូវការពន្លឺពីពន្លឺភ្លឺទៅមធ្យម ដោយប្រើរយៈពេលលូតលាស់ប្រហែល ៦០ថ្ងៃ រីឯងកម្រិតអាសុីតវិញគឺ pH ៥.៥-៦.២។ (និងដំណាំជាច្រើនប្រភេទទៀត)

#ចំណាំ៖ដើម្បីអាចដាំដំណាំមួយប្រភេទនេះបានគួរតែពិភាក្សាជាមួយអ្នកជំនាញជាមុនសិន។

ឯកសារយោង

• https://www.saferbrand.com
• https://stockingmypantry
• https://www.gorillagrowtent.com/blogs/news